好正呀！
「Ball后」薛芷倫（Fanny）一向好識得享受生活，而且見盡奢華頂級有錢人生活！日前佢獲著名船廠邀請參加頂級豪華嘅遊艇派對，身處3億港元嘅遊艇上，Fanny即刻影咗唔少靚相，放喺社交網站與大家分享，見佢着上火紅色超低胸大露背Jumpsuit，露出東西半球，加上佢嘅葫蘆身形，噴血指數爆燈！
Fanny透露今次獲著名船廠Benetti邀請到摩納哥參觀超級遊艇，佢話：「今次係一個好大型遊艇聚會，全歐洲最大嘅遊艇都嚟晒摩納哥，因為係歐洲人夏天最後一個星期出海嘅日子，之後佢哋就會『收爐』，準備冬天滑雪季節，呢個係歐洲有錢人嘅玩法。」而當中不乏超級富豪的遊艇，Fanny話：「唔少油王、貴族都有訂佢哋遊艇，而TOPSHOP老闆Philip Green佢嗰隻係數一數二貴，最新款啱啱先出爐，要港幣12億。」
Fanny話3億到10億嘅遊艇，佢都有上去參觀，佢話：「啲遊艇全部都要度身訂造，等兩、三年先攞到船，10億嗰啲唔畀影相，3億嗰隻已經好豪華，上咗船完全係置身豪華海上王宮，設施完善，最特別船上每間房都有可伸展出去嘅露台，令你感覺置身海中央，見到晒成個海景，船身又有全落地玻璃窗，全海景正到暈，船頭曬太陽嘅梳化位置大過普通家庭嘅廳，係真正頂級享受，依家仲可以坐呢啲船環遊世界，完全媲美坐私人飛機。」Fanny此行收獲豐富，離開摩納哥，坐飛機時仲遇到加拿大著名男歌手Robin Thicke，令佢喜出望外，fanny仲集郵成功，大讚Robin好Nice！
來源 source: http://hk.on.cc
|
鍾意就快D Share啦！
|
|
|