熱爆娛樂: 【獨家有片】冧女一流 49歲凸腩鄧兆尊陪女友吹吹風撥撥髮 _

2016年10月27日星期四

【獨家有片】冧女一流 49歲凸腩鄧兆尊陪女友吹吹風撥撥髮 __,鄧兆尊,兆尊,

其他影片：>>

已故慈善伶王新馬師曾（鄧永祥）長子鄧兆尊，近年淡出幕前，坐擁逾億身家嘅佢只係偶爾出席啲公開場合，得閒喺微博發吓啲動物片。噚日下晝，兆尊現身跑馬地，同行仲有佢個同居多年嘅女友Carmen，當時Carmen戴住口罩，兆尊食住煙，兩人向養和醫院方向行過去。臨入醫院之前，兆尊掉咗支煙，佢哋入咗去門診部，坐埋一邊等。Carmen先去登記，兆尊都有陪住女友，可能因為當時太多人嘅關係，所以佢哋登記完就離開咗。兆尊同Carmen行去電車總站搭叮叮，當時未開得車，兆尊一直同Carmen傾住偈o氹女友笑，又幫女友除低口罩，又撥吓頭髮咁，非常之sweet。《蘋果》向兆尊求證，佢坦承陪女友睇醫生：「女朋友唔舒服，有啲皮膚敏感，所以陪佢睇醫生啫。」話時話，身形瘦削嘅兆尊個腩都幾凸吓，出年2月就50歲，都真係要留意吓喎……

（攝影：梁繼光、羅德光）	鄧兆尊噚日下晝同女友Carmen現身跑馬地	沿途有講有笑
兆尊搭住女友膊頭行入養和醫院。	入咗門診部，女友先去攞籌。	打側睇，兆尊個腩都凸吓。
		終於都可以登記
	登記完後，兆尊同Carmen離開。	喺電車度，兆尊勸女友除低口罩，一臉擔心咁。