失蹤人口李中寧忽然成為封面人物，由無綫銀河十星轉戰三級片再歸於平淡，如今安份守己做一個平凡保安，受初期腦退化所困，要食藥控制，更歎謂並不留戀人生，「過去又唔光彩，又痛苦，一啲唔開心」。至於同父異母妹妹葉童，李中寧同廿幾年前一樣，唔想提。昨晚葉童與陳志雲到新光戲院綵排舞台劇《莎士對比亞》，未知是否想避追訪，故離開時即刻跳上車，對鏡頭強裝笑容，期間架車仲衝紅燈，似乎歸心似箭。（新聞連結： http://bit.ly/2dKX22f ）今日葉童再到上址綵排，被傳媒追問關於李中寧所況，葉童稱從來不知對方喺香港：「關於呢位親人，從來無接觸，都冇乜見過。我一生人見過佢三次，一次去英國探佢，一次係爸爸過世，另一次係我結婚。」葉童表明同李中寧關係好疏離，又指：「一直以為佢喺英國，唔知佢喺香港。佢都冇搵過我哋，而我哋電話係冇變過嘅！」「命運就係咁，命運令我哋唔可以選擇父母同性別，命運令我今日企喺度答你哋問題，我哋係有血緣關係，但比較疏離，見面要睇緣份。」問葉童是否不會主動接觸哥哥？或者看看對方是否有需要幫忙？葉童仍然是那句：「我一直唔知佢喺香港。」
來源 source: http://s.nextmedia.com
|
鍾意就快D Share啦！
|
|
|
