熱爆娛樂: 梅小青回巢平起平坐　曾勵珍 50集大劇大卡士撼劉心悠 [壹週刊

2016年10月27日星期四

梅小青回巢平起平坐　曾勵珍 50集大劇大卡士撼劉心悠 [壹週刊 - 1390] __,曾勵珍,劉心悠,心悠,梅小青,M1,

娛樂偵訊

梅小青回巢平起平坐　曾勵珍 50集大劇大卡士撼劉心悠

由李寶安拉線，金牌夫妻檔監製梅小青和劉家豪四月正式回巢無綫，升做製作總監跟曾勵珍平起平坐外，並重金禮聘女神劉心悠處女下海拍大台古裝劇《深宮計》省招牌。唔想坐以待斃，曾勵珍即時做嘢，挖盡大台一哥一姐埋班開拍 50集大劇《跨世代》（暫名），力撼劉心悠。

獨立部門

無綫近年被網民狂插拍膠劇冇新意，助理總經理杜之克上場後銳意改革，又自己落場傾劇本搞製作，年初更成功游說舊將梅小青、劉家豪回巢，幫手救收視。

「佢哋兩公婆而家個職位同（曾勵）珍姐一樣，大家咁高咁大，可以自己話事，唔使好似以前咁，吓吓睇人面色；兩個仲要平日唔需要返 TVB，因為公司喺將軍澳工業邨另外租咗層樓俾佢哋做 office，佢哋個部門好獨立，唔使同其他組開會，淨係向杜之克匯報就得。」一名無綫人說。

有指梅小青和劉家豪因跟曾勵珍不和而離開無綫，四年後再回巢，兩人直接隸屬杜之克，無需再向前上司曾勵珍匯報。

梅小青監製的《宮心計》，曾經創下 50點收視，所以開拍續集作為回巢頭炮，再加女神劉心悠孭飛，大家信心十足。

無綫數年前開始搵劉心悠拍劇，不過一直傾唔成，今次終於合作成功，據知市價每集十五萬人仔的她，減到五萬一集。

一同賀台慶

原以為梁家樹離開可以一統天下，不過隨着余詠珊坐大踩過界，加上昔日被指功高蓋主，有收視保證的梅小青又回巢，早已被削權的曾勵珍亦不敢怠慢，趁無綫踏入五十周年，度了一個五十集的大劇，安排與梅小青回巢頭炮《深宮計》做明年台慶劇，硬撼！

「暫定嘅卡士有歐陽震華、陳豪、蕭正楠、張繼聰，女角就有田蕊妮、邵美琪，麥明詩，全部都係珍姐愛將，不過佢覺得未夠睇頭，仲搵緊啲阿姐級返嚟幫拖，好似陳慧珊、趙雅芝呢啲級數都會搵。呢套劇要拍半年，總之邊個有時間都可以返嚟客串幾集。珍姐今次玩晒冷，誓要撼贏劉心悠套古裝劇。」一名無綫人說。