掃呢頁CODE去手機

2016年10月27日 星期四

粉絲圍剿 暗交一年 余文樂同長腿 model台灣拍拖 [壹週刊 - 1390] __,余文樂,M1,

探熱針粉絲圍剿 暗交一年 余文樂同長腿model台灣拍拖前前度黃伊汶和前度吳雨霏先後結婚嫁人,今年拍內地真人騷與強國女星周冬雨傳出緋聞的余文樂,早前更爆笑被指與阮小儀戀上了,不過全是煙幕笑料。事實上,早於一年前,樂仔已靜雞雞同MandyLieu旗下模特兒公司的AngelChu(朱韻韻)拍拖;今年四月尾,兩人更齊齊飛台灣預支蜜月。樂仔收埋女友,不過,心水清的內地粉絲卻發現兩人在網上傳情,部分激粉更留 ...


探熱針

粉絲圍剿 暗交一年 余文樂同長腿 model台灣拍拖

前前度黃伊汶和前度吳雨霏先後結婚嫁人,今年拍內地真人騷與強國女星周冬雨傳出緋聞的余文樂,早前更爆笑被指與阮小儀戀上了,不過全是煙幕笑料。事實上,早於一年前,樂仔已靜雞雞同 Mandy Lieu旗下模特兒公司的 Angel Chu(朱韻韻)拍拖;今年四月尾,兩人更齊齊飛台灣預支蜜月。

樂仔收埋女友,不過,心水清的內地粉絲卻發現兩人在網上傳情,部分激粉更留言狂踩 Angel。

外遊洩密

情到濃時,要冚都冚唔住。余文樂與 Angel拍拖一年,已是朋友圈中公開的秘密。今年十月,女方在 ig上載她出席樂仔在北京時裝店開幕的合照,更寫上「 So proud of you!」肉緊之情,溢於言表。

只要細心留意兩人的 ig,便可發現二人拍拖的蛛絲馬跡。

余文樂時裝品牌在北京開幕,女友 Angel將撐場合照放上 ig後,好友王丹尼( I_for_louise)留言,暗示兩人情侶關係,另有朋友讚他們登對。

台灣打咭

4月尾及 5月初,樂仔與 Angel分別都在台灣打咭,又是手拿咖啡杯(余文樂網名 666),夾到痺。

想結婚生 B

近年樂仔經常透露希望成家立室,甚至揚言想生 B。

「我想三十五歲前結婚(十一月滿三十五歲),因為我覺得唔可以一支公生活到老,無論你幾有成就,冇人同你 share都冇意思。」

拍拖一年,據知雙方感情亦很穩定。

「樂仔好喜歡 Angel,睇佢將女友隻電眼紋咗喺左臂就知,身邊朋友都覺得佢哋有機會突然宣布結婚㗎。」知情者說。

不過,對戀情一向低調的樂仔,被問到與 Angel拍拖時,繼續死撐︰「都幾十歲人,如果係,唔會唔認。」

情侶衫

同一個場景,著埋情侶裝,如果話係有咁啱得咁蹺,信唔信先?

蠱惑波鞋

余文樂恨 B恨到發燒,不過,佢湊住契仔嗰陣,就有對女人腳,對番波鞋, Angel都有對㗎。

愛的紋身

樂仔在左臂上紋了女友隻電眼,大家落足眼力睇吓有幾似。

據知 Angel亦在腋下紋了一行小字回敬男友。

閨密二揀一

Angel在娛圈廣結人緣,尤其與餅女 Miki(楊愛瑾)更情如姊妹。

「今年四月 Miki結婚前搞咗個閨密旅行團,叫班餅女姊妹 Stephy(鄧麗欣)同 Angela(區文詩)一齊去泰國,唯獨平時同佢好 friend嘅 Kary就冇嗌到,因為 Miki另一個老死 Angel同樂仔拍緊拖,雖然話 Kary已經結咗婚,但同 Angel碰埋點都會尷尬, Miki惟有二揀一囉。」知情者說。

Angel是 Mandy Lieu旗下 model,今年 28歲, 174cm高,美貌加長腿,曾為亞視節目《 ATV地膽》做主持。

今年 8月初,小儀 post咗張攬攬照,自爆愛余文樂,緋聞炒得熱哄哄。而與他拍《我們相愛吧》的內地女星周冬雨,亦傳戲假情真,但煲水居多。

Miki同 Kary及 Angel都是好姊妹,但兩人一個是樂仔前度,一個是現任,為免尷尬,都係避免同場好啲。

一向將戀情封密的樂仔, 2013年因為與 Kary倫敦外遊返港,被記者捉到正,戀情才曝光,可惜半年就玩完。

撰文、攝影、攝錄:娛樂組


鍾意就快D Share啦!