呢個畫面好有愛呀！
曾係「星女郎」兼內地女星張雨綺昨日驚爆同相識只有70日、被指身家逾11億嘅內地金融才俊袁巴元領證結婚，佢仲自爆同老公識咗10日就拍拖。但有指袁巴元同張雨綺拍拖期間仍未與老婆離婚，令張雨綺被懷疑係小三。
今日張雨綺喺微博「現身」，話結婚一事其實冇諗住公開，佢留言：「結婚的事情，我和先生原本沒有打算公告，因為我倆的風格都屬於低調人格。無奈新聞已被爆出，所以我們打算光明正大的公告於世。看到你們很著（着）急的為我來判斷我的個人生活，我也想為你們說兩句。」
有指袁巴元曾於2014年4月奉子成婚，並娶了上海某女主播。對於種種傳聞，張雨綺逐一解釋，佢話對於老公嘅工作，佢自己從來冇過問，又話身為外科醫生嘅老公，一直努力發展慈善醫療事業。佢仲話老公之前冇結過婚，但就育有一女，話依家由佢哋共同撫養，張雨綺留言：「1.袁先生的工作我從不過問，他有他的理想，身為外科醫生出身的他，一直都在致力於慈善醫療事業，結婚以後，我也會和他致力於此方面的事業。他對家庭安頓的很好，對公司盡職盡責，公司即將完成上市，我們的家庭生活幸福而安逸。2. 袁先生無前婚史，育有一女，現在由我們撫養，孩子是世界上最美好的靈魂，也是我婚後收穫的最珍貴禮物。3. 我們去度個假，你們也洗洗睡吧。」
另外張雨綺仲上載咗一家三口照，相中所見，佢哋齊齊好開心咁搭緊飛機，而袁生嘅囡囡雖然被打格，但從佢錫錫張雨綺張相，睇得出囡囡同雨綺感情好好。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
