顧紀筠（右圖）去到邊都請客，真係闊綽！
藝人麥長青（麥包）、江美儀、滕麗名和陳浚霆在天水圍一個魚檔拍攝《街市遊樂團》。問有否因節目而買餸更平，江美儀即笑謂：「邊使畀錢㗎？」而麥長青亦笑謂：「買紮蔥會搭棵菜！」但他之後都認真地指他們其實會堅持畀錢，又指不少檔主都好熱情，見到他們會即搣最貴的生果讓他們試食。江美儀則笑指開工前不用食早餐，因為可以在生果檔試食當早餐。至於滕麗名就表示街市檔主見到他們來就應該收埋煲、鑊和爐等煮食器具，因為他們見到必定會手痕「搞搞震」：「我哋試過喺牛肉檔度打邊爐！」
顧紀筠食飯爭住埋單
麥長青又在訪問中指顧紀筠仔仔陳浚霆對水泡餅、光酥餅等街坊小食非常陌生，所以作為顧紀筠的後輩便帶他試試。而江美儀就指顧紀筠非常好，各自請三位主持食飯，當幫囝囝交學費，她謂：「爭麥包未請。之前我同顧老闆各自去東京旅行，咁啱撞到，佢就帶咗我去名貴餐廳，開支酒都要幾皮嘢（幾萬港元），大戶人家真係唔同啲。」陳浚霆聞言即笑謂：「所以嗰個月我哋都係食粥，燈都唔敢開！」而滕麗名就指之前在餐廳撞到顧紀筠，對方更幫她埋單：「嗰餐都幾甘，冇七千都八千港幣。」又謂陳浚霆自費買車仔幫手推東西，又送他們風扇仔，所以麥長青笑指下次搵節目拍檔最好就搵富二代。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
