【猷君新歡家底厚】碌咭買跑車 袁紫僑因蔡思貝趕巨聲幫男友出貝沙灣 __,蔡思貝,猷君,巨聲幫,

何猷君嘅新歡袁紫僑(CoCo)，原名袁聖殷，今年25歲，係女子組合「少女標本」嘅成員，其他成員仲有許雅婷（Kabby）同簡淑兒（Jessica）。其實CoCo係11年以o靚模身份加入娛樂圈，而佢本身係澳洲嘅悉尼國際管理學院畢業，之後就回流返香港做o靚模。CoCo同Kabby、Jessica組成「少女標本」前，其實佢亦都曾經同韋彤組成另一隊女子組合「LemonBeez」，發行過兩張迷你專輯。據知，能 ...

其他影片：>>

何猷君嘅新歡袁紫僑(CoCo)，原名袁聖殷，今年25歲，係女子組合「少女標本」嘅成員，其他成員仲有許雅婷（Kabby）同簡淑兒（Jessica）。其實CoCo係11年以o靚模身份加入娛樂圈，而佢本身係澳洲嘅悉尼國際管理學院畢業，之後就回流返香港做o靚模。CoCo同Kabby、Jessica組成「少女標本」前，其實佢亦都曾經同韋彤組成另一隊女子組合「LemonBeez」，發行過兩張迷你專輯。據知，能夠到澳洲留學嘅CoCo本身家庭環境不俗，父親喺大陸做生意，家住貝沙灣，CoCo平時嘅嗜好就係行街同買嘢，女仔就當然愛買衫啦，但據佢身邊嘅朋友話，CoCo嘅有錢程度，係可以碌咭買一架跑車，你都咪話唔厲害！雖然CoCo加入咗娛圈5年，但工作量並唔多，佢曾經係李思捷主持嘅節目《今晚有李》裏面做調酒師，今年有份客串電影《導火新聞線》。相反佢嘅戀事就比較多姿多采，就好似佢同「巨聲幫」嘅大孖周志文嘅闗係，就真係千絲萬縷。是咁的，12年嗰陣，周志文背住Coco，同拍《名媛望族》嘅馬賽打得火熱，當時CoCo被問及可知馬賽時，佢就疑似有骨咁話：「係咪選港姐時畀人叫爛面港姐，嗰個係咪叫馬賽呀？」之後周志文乖乖留在CoCo身邊，點知CoCo趕走咗一隻兔，但就喺周志文同蔡思貝喺台灣拍攝《衝線》期間，傳出二人擦出愛火，最後CoCo同周志文分手。分手後，CoCo都唔愁寂寞，就同向佐一齊跟伍允龍學功夫而撻着，點知原來向佐身邊已有大陸女星王秋紫，向佐就左右逢源，CoCo仲要出動到晒同向佐共養嘅黑貓嚟示威(新聞連結：http://bit.ly/2eIFxyV )，後來再傳出周志文就借呢次機會想翻撻CoCo。

	CoCo出道初期，同韋彤組成女子組合「LemonBeez」。(資料圖片)	同「巨聲幫」周志文有過一段情。(資料圖片)
同周志文分手後，就同向佐撻着。(資料圖片)	但原來向佐同有另一個大陸女友王秋紫。(資料圖片)	CoCo就喺社交網貼咗同向佐共養嘅黑貓示威。(資料圖片)
CoCo原名叫袁聖殷。(資料圖片)	(資料圖片)	少女標本(資料圖片)

來源 source: http://s.nextmedia.com

鍾意就快D Share啦！

下一篇 》