英皇行政總裁吳雨今晚假中環某酒店筵開7席舉行榮休晚宴，英皇集團主席楊受成與家人率領公司旗下一眾藝人容祖兒、Twins、李克勤、林峯、張敬軒等及其他員工現身，場面熱鬧。
吳雨透露今日是在英皇最後一日，他笑說：「不過英皇會照出糧畀我，因為我合約係明年2月先屆滿。」在英皇工作了15年，吳雨表示很感激楊生，他說：「我好尊重楊生，楊生都好尊重我，但人去到某一個年紀已經係超額完成，我個年紀喺好多公司已經夠，就應該退休。（日後真係退休？定會做顧問?）如果可以做到退而不『憂』就好喇，我講嘅憂係憂心個憂，唔係退休個休。我都想公司好，我人生做咗兩間公司都超過10年，一間係TVB，做咗19年，英皇都15年。由初時喺TVB做初級PA到製作總監，再到英皇依家係好大突破，又開心又有滿足感。」
問到他在英皇的難忘事？吳雨表示有很多，並謂其中有很多是開心事，他說：「如果真係要講，都難忘幫容祖兒chur（爭取）攞獎，自己係有好大滿足感。除咗祖兒，大大細細歌手喺台上多謝自己，都係好有滿足感。嗰時每年都幫祖兒chur『最受歡迎女歌星』，都爭取咗6、7年，其實都好有份量，佢都付出好多努力，我敢寫包單，日後都冇人可以好似祖兒咁攞咁多獎。」
唔捨得EEG車牌
吳雨又表示最開心能夠在走之前簽到李克勤，他說：「喺TVB已經好欣賞佢，不過同佢冇緣，佢過英皇我又走，不過我可以同佢神交、見面。」問到他的座駕車牌EEG（英皇）將如何打算，他說：「都會畀番公司，我老婆最唔捨得，因為EEG車牌冇女仔敢上車。」問到楊生給他多少退休金？他說：「呢啲唔計，我哋有長期服務金，價錢都好滿意，足夠食兩餐。（你之後有咩去向？）依家個春秋完結咗，要勾畫人生第二個春秋。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
