網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月29日 星期六

【獨家】唔蒲夜場改落茶記 吳浩康順利邨拖女:佢呢段時間幫我好多 __,浩康,吳浩康,

曾經被容祖兒賜封做「靚仔版Eason」嘅吳浩康(Deep),今年已經33歲,唱過唔少兵歌算係成功彈起,不過唔生性屢次闖禍,但仍無阻佢戀情發展,先後同過胡定欣、莊思敏拍拖,亦同鍾舒漫去到談婚論嫁嘅階段,但婚前Deep連媾六女,最後都係分手收場。沉靜咗一段時間,阿Deep修心養性,佢今年8月接受《蘋果》專訪時講過戒蒲宣言:「搬早啲去玩,咁就冇嘢。」(相關新聞:http://bit.ly/2dSvovj ...




其他影片:>>






曾經被容祖兒賜封做「靚仔版Eason」嘅吳浩康(Deep),今年已經33歲,唱過唔少兵歌算係成功彈起,不過唔生性屢次闖禍,但仍無阻佢戀情發展,先後同過胡定欣、莊思敏拍拖,亦同鍾舒漫去到談婚論嫁嘅階段,但婚前Deep連媾六女,最後都係分手收場。沉靜咗一段時間,阿Deep修心養性,佢今年8月接受《蘋果》專訪時講過戒蒲宣言:「搬早啲去玩,咁就冇嘢。」(相關新聞: http://bit.ly/2dSvovj )阿Deep又喺專訪自爆有兩個幾月新戀情,仲話人到咗適婚年齡,拍拖都係以結婚做目標,聽落真係成個人都成熟咗。計落拍咗拖未夠半年嘅Deep,前晚(27號)就俾《蘋果》讀者施小姐「爆相爆片」,見到佢同女友喺順利邨撐枱腳。至於Deep女友,施小姐就話對方唔似明星,樣子平凡,有點成熟。Deep似乎真係搵緊個啱年齡嘅結婚對象。當時阿Deep只係着住一身T恤短褲街坊裝,去咗一間門口有養海鮮嘅舊式茶餐廳撐枱腳。阿Deep同「三十幾歲」女友先係手拖手,大大方方咁去到餐廳門口,喺門外嘅水缸到睇咗一輪,揀咗幾隻蟹就入去餐廳,仲搵咗卡位先坐底,就算食茶記都非常識嘆。平時情侶食飯都鍾意對住坐,但Deep偏偏冇咁做,反而揀咗坐喺女友隔籬,兩個人齊齊背住門口坐底,突然轉玩低調,同揀海鮮時大方拖手嘅態度好唔同,似乎Deep好唔想俾街坊見到佢嘅食相咁喎。噚日《蘋果》搵過Deep,佢大方承認同女友撐枱腳,Deep又話呢排忙住幫ViuTV拍歌唱節目同打理唱歌學校嘅工作,仲不停多謝女友喺身邊支持:「同我食飯嗰個女仔係我女友,呢段時間幫我好多。」但Deep就冇仔細講雙方做過咩sweet嘅事,佢話:「都係生活點滴,我同佢知就OK,至於將來,我哋自己好好去經營一下先。」Deep又透露,佢同女友因為跟同一個歌唱老師學唱歌而認識,咁女友會唔會出道做歌手?阿Deep話:「佢自己諗喇,如果佢需要support,我就會幫手,暫時我都係做番自己工作先。」

吳浩康前晚同女友食海鮮,喺餐店門外好大方拖到實。(讀者提供圖片) 喺門外揀緊食咩。(讀者提供圖片) 不時仲有傾有講,女友甜笑。(讀者提供圖片)
十指緊扣落落大方 (讀者提供圖片) 不過兩人坐底就揀背住門口坐。(讀者提供圖片)
早兩個月受訪,除咗自爆戀情,亦講過拍拖一定係諗結婚。(資料圖片)

來源 source: http://s.nextmedia.com
鍾意就快D Share啦!