何超儀自從丈夫陳子聰康復出院後，已經復工，且笑容再現，但一直未有接受傳媒訪問。今日有周刊刊出超儀獨家專訪承認與徐濠縈冇再聯絡，及獨自承受老爺奶奶同家姐超瓊的訓示。至今午超儀到九龍塘又一城出席NARS活動，終於開腔受訪。超儀稱陳子聰依家身體好好，好多謝家人及醫護人員細心照料，但現階段仍需休養，「唔可以有煩惱，要慢慢Build up番啲肌肉，因為啲肌肉都冇埋，佢練番啲肌肉之後就可以做番model 0架喇。」超儀又大讚謂老公好叻，戰勝了死神。提到徐濠縈早前泄密相片，超儀說：「我同我老公都唔介意人哋post相嚟分享嘅，我哋嘅立場係分享喜悅，但真係唔明白阿徐點解俾人偷咗張相！」至於阿徐仲係咪朋友？超儀表示其實唔係第一次叫朋友唔好影相0架喇，更講明好怕人哋喺佢屋企影相：「同好憎人post上網分享，因為我覺得互聯網係唔可信嘅！」問超儀那陳子聰是否很介意病容曝光，她稱:「我同老公都好無奈，估到佢(阿徐)係隨便咁post上ig，多手咗。」那麼如今同阿徐是否仍是朋友？超儀謂:「扯到咁遠，一夜係姊妹，一世都係姊妹。」有冇聯絡？「係比較少嘅，但係因為老公嘅關係，只至有番聯絡，因為各有各忙。朋友聯繫嘅機會都好少。」
| （攝影：陳俊強） | | |
| |
來源 source: http://s.nextmedia.com
|
鍾意就快D Share啦！
|
|
|