無綫熱播劇《幕後玩家》搵嚟好多靚仔靚女演出。其中劉佩玥性感色誘黃宗澤一幕，令大家無限遐想，即時成為網上熱話！黃宗澤喺劇中有個乖乖女，佢成日氹囡囡成個慈父咁款，點知佢趁老婆唔喺度，就即時變「玩家」，去搵情婦劉佩玥！而劇中蕭正楠對黃翠如一往情深，深情男加暖男形象已經夠晒煞食。但點知演花弗男嘅張繼聰最深得觀眾心，唔通真係「男人不壞，女人不愛」？
晒肌勁吸睛
其實套劇集宣傳片播出時，張繼聰已經夠晒出位，居然玩「升降機gathering」，啜爆索女（工作需要啫），意識勁大膽，睇到人眼都凸埋！張繼聰劇中形象勁花弗，把口仲啷過油，好似第二集講到劉佩玥被人屈，普通一句「唔好唔開心」又點會安慰到人先，醒目嘅張繼聰即出招冧女神：「單憑你樣靚夠治你罪」男士們要學嘢張繼聰咁識冧女，難怪女士們咁受落，連網友都話：「份人風趣又口甜舌滑，女人就係鍾意呢Type！」張繼聰仲要唔只得把口，仲有一副爆肌身材，前日嗰集仲半裸演出，大方晒肌，睇到人心心眼！
係咁爆金句
轉數快嘅張繼聰仲喺劇中係咁爆金句，一班網友睇到都嗌過癮！當中一句：「公關只有一個字忍，你有冇見過舞小姐會鬧客人？鬧咗就冇錢賺」完全道出做公關嘅秘訣。仲有寸爆女士「喬裝」嘅金句：「唔係猛龍唔過江，唔係豬扒唔化妝！」押晒韻，又夠搞笑！不過最精警，莫過於呢句：「啲人話錢係萬惡嘅，但人人都搵，啲人話女人紅顏禍水，但人人都滾！」真係世事都畀你看透！
網民有話兒：
LauXXXHo：份人風趣又口甜舌滑，女人就係鍾意呢TYPE！
MandyXXX：我係爲咗聰聰先追劇咋！
XX寶：認真佢D（啲）金句講出唔少男人嘅心聲。
ChauLXXX：張繼聰演技真係唔錯。
XXXANNYHO：仲有一句都好正，D（啲）人話錢係罪惡嘅，但人人都搵，D（啲）人話女人紅顏禍水，但人人都滾。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|