洪永城（Tony）與傅嘉莉（Kelly）在新劇《我瞞結婚了》中有一場親密床上戲，在劇中情傾男方的Kelly，終於乘酒後亂性將Tony征服！劇情講到二人在暴風雨中共度一宵，場景更可見酒樽滿地，一片混亂！
冇做安全措施
身穿透Bra小背心的Kelly更主動出擊，伸手攬實熟睡的Tony外，又胸壓對方面貼面耳語，不時又輕摸男方面珠，顯得一臉陶醉，舉止相當親密，令拍檔Tony亦不禁面紅耳熱！但當攝影機一停機，一對男女即秒速彈開，僅穿上孖煙囪的Tony急急撿起長褲，更晒出招牌傻笑化解尷尬，事後Tony自爆真空上陣，未有做足安全措施，他說：「好驚走光呀，身為男士冇為意，冇打底就上嚟拍，雖然我份人冇底線，但都驚走光呀，擔心觀眾睇到會唔鍾意囉！（拍床戲有尷尬？）冇喎，Kelly比我更放更激情，我係被動配合嘅，大家合作得好好，唔尷尬。」
冇向詩詠備案
講到劇中二人酒後亂性，Tony說：「都有飲少少去入戲，想拎番個感覺。（見你拍到面同耳仔都紅晒？）我冇面紅，可能你見我畀蚊咬，好正常。（有生理反應？）冇（有冇向女友申報？）唔使啦，做戲啫，我都係fb講咗拍緊劇，唔驚佢嬲豬囉。」
朝住結婚進發
講到女友唐詩詠日前放話會閃婚，Tony表示：「冇壓力，我都朝住大家嘅共同方向。（即是有共識結婚？）有共識嘅，但結婚就唔想交代太多，大家好夾，但唔想講太多，將來嘅事冇人知。（自己係閃婚類型嘅人？）都OK呀，唔使同人交代咁多。」
同場的Kelly被問到拍床戲會否尷尬？她說：「應該係Tony要向女友申報！（單身所以唔怕尷尬？）依家係單身，唔使好似Tony咁避忌，而且公司尺度有限，想表現得貼地啲，等觀眾容易代入。（驚唔驚唐詩詠嬲？）個問題要交番畀Tony，知佢哋相處好好，詩詠係我前輩，佢應該會明白。」
|
鍾意就快D Share啦！
|
|
|