掃呢頁CODE去手機

2016年10月26日 星期三

張雨綺老公起底 銜頭多身家豐厚 __,張雨綺老公,張雨綺,王全安,

嘩!張雨綺老公咁有來頭,有實力又有財力,小編表示葡萄咯!今日大方承認再婚嘅大陸女星張雨綺,消息震驚中港。而佢老公亦都極速被人肉起底,有內地網友爆料,指張雨綺老公姓袁,是上海金融界人士。有內地媒體事後經過調查,指張雨綺現任老公名為袁巴元,是復旦大學博士,有多年證券及基金經驗。而袁生做過嘅職位同title,可以話係相當之多,分別有申銀萬國證券投資總部投資經理、投資策劃部負責人,信誠基金管理有限公司研究 ...


嘩!張雨綺老公咁有來頭,有實力又有財力,小編表示葡萄咯!

今日大方承認再婚嘅大陸女星張雨綺,消息震驚中港。而佢老公亦都極速被人肉起底,有內地網友爆料,指張雨綺老公姓袁,是上海金融界人士。有內地媒體事後經過調查,指張雨綺現任老公名為袁巴元,是復旦大學博士,有多年證券及基金經驗。

而袁生做過嘅職位同title,可以話係相當之多,分別有申銀萬國證券投資總部投資經理、投資策劃部負責人,信誠基金管理有限公司研究員、基金經理助理、基金經理。被指目前坐擁多家公司嘅佢,據內地網絡企業資料顯示,佢依家係上海新普投資公司、上海平海房地產有限公司嘅參股監事,亦係筧尚實業股份有限公司、筧尚服飾有限公司、上普投資管理有限公司嘅董事,財力絕對驚人。

另有爆料指,張雨綺同袁姓老公係喺今年7月2日嘅一個公開活動度認識,又話佢哋認識嘅時候,大家都係單身,所以咪一撻即着咯!

不過另外又網上爆料,話袁生已經結咗婚,仲有聲稱係袁生鄰居嘅人爆料,話曾經見過張雨綺去袁生屋企造訪,又話當時袁太應該出咗差。不過傳聞嘅嘢日日都有,而且張雨綺已經成功領證,相信傳聞嘅可能性應該唔高。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!