費曼對住支咪好似好好奇咁，但其實又鬼咁怕醜。
為期10天的《第29屆東京電影節》假六本木舉行開幕禮。吳鎮宇帶同兒子費曼（Feynman） 一同出席盛典，為入圍競賽港產片《脫皮爸爸》造勢。由於費曼有份客串該片，故理所當然一齊行紅地氈，而與吳氏父子一同亮相的還有型男古天樂，原來古仔喺日本亦好有人氣，加上是次電影節有好多大陸媒體參與，三人甫出場即惹來注目，但最搶鏡的竟然是費曼。
當記者問鎮宇兩父子同在大銀幕演父子時可有趣事，費曼即貪玩伸脷扮鬼臉，又冇時停跳來跳去，吳鎮宇卻認真回答記者說：「下次換了他（古天樂）演亦一樣入圍，拍電影就是這樣。」當記者問拍戲時有甚麼有趣的事？費曼搶答：「沒有…」鎮宇一再催促費曼回答，但兒子總是說沒有。一本正經的鎮宇惟有尷尬地帶着兒子離開。
吳鎮宇為兒子解畫
年僅8歲的費曼早前於新加坡已曾偕同父親行過紅氈，今次「捲土重來」，而鎮宇接受《東網》長途電話訪問時笑說：「佢（費曼）係少少怕陌生環境嘅，如果有熟人喺度，人哋未問佢就答喇。（留幾多日？）有公事要處理，所以留10日左右，費曼學校測驗，太太會先陪佢返香港，不過臨走前都會陪佢去想去嘅地方嘅。」
古仔赴泰國拍新片
至於古仔表示自己首次參加《東京電影節》：「呢套電影嘅題材我自己好鍾意，當日睇完劇本就決定接拍，估唔到拍完仲可以嚟東京添。其實我好鍾意呢個地方，今次可以寓工作於娛樂，順便休息兩日，而嚟緊又要去泰國開拍另一部電影。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
