掃呢頁CODE去手機

2016年10月3日 星期一

【足本】鬆馳熊真身係新郎哥 羅仲謙:當時第一次追佢就係扮公仔 __,羅仲謙,

【短片】【足本】鬆馳熊真身係新郎哥羅仲謙:當時第一次追佢就係扮公仔2016-10-0300:00:00HKT羅仲謙同楊怡好似王子同公主一樣!花,全部都係花!公主車攝影:陳辰原來係羅仲謙嚟㗎!做咩有隻熊仔上台嘅?好Sweet呀!仲要送花俾楊怡又錫楊怡一啖!今次楊怡仲唔冧爆!噚日羅仲謙同楊怡結婚,晚上喺Ritz-Carlton酒店舉行婚宴,一眾大台藝人都有出席送上祝福。睇番場內名單,今次婚宴筵開50多 ...


【短片】【足本】鬆馳熊真身係新郎哥 羅仲謙:當時第一次追佢就係扮公仔

2016-10-03 00:00:00 HKT



羅仲謙同楊怡好似王子同公主一樣!





花,全部都係花!



公主車











攝影:陳辰



原來係羅仲謙嚟㗎!



做咩有隻熊仔上台嘅?



好Sweet呀!



仲要送花俾楊怡



又錫楊怡一啖!



今次楊怡仲唔冧爆!

噚日羅仲謙同楊怡結婚,晚上喺Ritz-Carlton酒店舉行婚宴,一眾大台藝人都有出席送上祝福。

睇番場內名單,今次婚宴筵開50多席,場內嘅佈置非常有心思,睇得非常之咁揼本。因為今次晚宴以童話做主題,場內有架公主車,台上台下遍地都係花,留意番,全部都係真花嚟㗎!睇得出謙謙真係好錫楊怡,直頭當佢係公主一樣!

唔止咁呀,謙謙仲俾咗個驚喜楊怡㗎,台上突然出現一隻1比1嘅鬆馳熊,送拎住一大紮粉紅色嘅玫瑰花俾楊怡,除低個頭套睇睇,原來係羅仲謙嚟!謙謙話:「第一次追阿怡就係扮公仔,所以今日就嚟個歷史重演。」

嘩!第一次追人嘅情節都記得,今日結婚就再嚟多次,真係好浪漫呀!出晒名鍾意鬆馳熊嘅楊怡今次仲唔冧爆!

之後謙謙仲拖實楊怡唱《分分鐘需要你》,一對新人都感動到喊晒,楊怡仲喊到攞紙巾出嚟抹眼淚,謙謙開心到跳起,之後就向楊怡鞠躬講:「我愛你」,最後佢哋仲咀咗兩啖!

之前羅仲謙仲話自己唔識媾女,唔識冧女,經過今晚仲有邊個信喎!不過以後都係冧羅太一個啫!


鍾意就快D Share啦!