掃呢頁CODE去手機

2016年11月17日 星期四

蕭若元湊孫篤篤吓 [壹週刊 - 1393] __,M1,

同你吟一吟蕭若元湊孫篤篤吓上星期日(十一月六日),《壹》仔喺淺水灣見到蕭定一兩公婆,帶住四歲大女Souleah,同一對孖仔,陪爺爺蕭若元家庭樂。一家人三大三小,隨行有三個外傭姐姐同一個保鏢,兩個mark一個照顧小朋友,萬無一失。食完嘢,十人齊齊操落沙灘玩沙踩水,西褲皮鞋嘅蕭若元全程篤住枴杖,睇實幾個孫女孫仔。玩到差不多五點半開始收太陽,小朋友俾外傭姐姐抱起輪流沖沙,爺爺亦郁手幫孫仔洗腳洗手。12年 ...


同你吟一吟

蕭若元湊孫篤篤吓

上星期日(十一月六日),《壹》仔喺淺水灣見到蕭定一兩公婆,帶住四歲大女 Souleah,同一對孖仔,陪爺爺蕭若元家庭樂。

一家人三大三小,隨行有三個外傭姐姐同一個保鏢,兩個 mark一個照顧小朋友,萬無一失。食完嘢,十人齊齊操落沙灘玩沙踩水,西褲皮鞋嘅蕭若元全程篤住枴杖,睇實幾個孫女孫仔。玩到差不多五點半開始收太陽,小朋友俾外傭姐姐抱起輪流沖沙,爺爺亦郁手幫孫仔洗腳洗手。

12年,蕭若元試過心血管動脈撕裂,大病一場後,近年雖然冇正式响佢個網台開咪做節目,但又忍唔到口,日日整個《最新消息》環節,噏三噏四。今年六十有七嘅佢,開拖鬧人唔手軟,試過因為歐洲難民問題,同才子陶傑隔空過招;早排又因為預言特朗普會落敗,搞到俾網民封做「燈神」,負責嘅環節就變成《最燈消息》。

一把年紀,與其搵氣嚟谷,不如湊吓孫,有福就享好過。

西褲皮鞋踩落沙灘, 67歲蕭若元行路要篤枴杖,保鏢從旁傍實。

行動唔方便,蕭若元大部分時間都係企定,等啲孫走埋嚟同佢玩。

一家六口,加埋三個外傭姐姐同保鏢,十個人浩浩蕩蕩。

幫孫仔孫女推氹氹轉,蕭若元湊孫投入。

幫孫仔洗腳,順手沖埋枴杖上面啲沙。

鍾意黐老豆嘅 Souleah,食嘢坐同一邊,又有得玩騎膊馬,兩父女感情勁好。

撰文︰八珍


鍾意就快D Share啦!