掃呢頁CODE去手機

2016年11月17日 星期四

拍拖六年!林丹與老婆出戰奧運共歷患難 __,林丹,奧運,

林丹同老婆謝杏芳互相扶持,係體壇公認嘅金童玉女。中國羽毛球運動員「超級丹」林丹今日被爆疑背大肚妻謝杏芳偷食索女,引來全城嘩然。其實林丹與同是運動員嘅謝杏芳早已係中國羽球隊嘅金童玉女,林丹曾公開大讚老婆係「賢內助」,結婚前仲公開表示要畀女方一個完美嘅婚禮,而謝杏芳則冧爆大讚男方:「林丹總是給我驚喜。」失意時互相扶持據知兩人戀情喺2004年萌芽,林丹當時憑一條短訊成功打動女方,並開始拍拖。喺2004年 ...




其他影片:>>






林丹同老婆謝杏芳互相扶持,係體壇公認嘅金童玉女。

中國羽毛球運動員「超級丹」林丹今日被爆疑背大肚妻謝杏芳偷食索女,引來全城嘩然。其實林丹與同是運動員嘅謝杏芳早已係中國羽球隊嘅金童玉女,林丹曾公開大讚老婆係「賢內助」,結婚前仲公開表示要畀女方一個完美嘅婚禮,而謝杏芳則冧爆大讚男方:「林丹總是給我驚喜。」

失意時互相扶持

據知兩人戀情喺2004年萌芽,林丹當時憑一條短訊成功打動女方,並開始拍拖。喺2004年嘅全英羽毛球公開賽,林丹奪得男單冠軍後就公開二人戀情。拍拖後兩人經歷甚多,但一直互相扶持。林丹喺同年嘅雅典奧運會爆冷落敗,而謝杏芳則沒有得到出戰機會要留於大陸,兩人喺運動方面同樣失意,期間靠電話及訊息互相安慰。

頒獎禮上深情一吻搶Fo

喺2007年全英公開賽,林丹與謝杏芳當時已係體壇嘅一哥一姐。謝杏芳奪得女單冠軍獲頒獎時,林丹手持玫瑰花束向女方獻花兼獻吻,搶盡大眾焦點!

共同出戰北京奧運

喺2008年,兩人一同出戰北京奧運。當時謝杏芳落敗女單決賽,林丹發訊息安慰女友話會以佢為榮。大受打擊嘅謝杏芳沒有即時回覆,不過冷靜下來後,都有鼓勵即將出戰嘅男友,最後林丹不負所望,勇奪個人首面奧運金牌。同年謝杏芳受訪時表示即將退役:「願意在2008年以後,做一個為林丹煲湯的女人。」

婚後六年誕一子

2009年,當時28歲嘅謝杏芳正式退役,默默做林丹背後嘅女人。謝杏芳表示:「現在是他打球賺錢,我負責花(錢)。」喺2010年,林丹與謝杏芳結束六年嘅愛情長跑於廣州結婚。2016年11月5日,謝杏芳為林丹誕下一子。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!