講起吳剛師傅，就會諗起《歡樂滿東華》，諗起《東華》，就一定會記得吳剛搽油、食炭呢啲經典場面。不過自從吳剛10幾年前轉做飲食業之後，立立令露肉場面，從此成為絕響。o依家吳剛師傅出親街，都要着番套老西，成個生意人咁。前日(2日)夜晚9點，有讀者劉先生「爆相爆片」喺港鐵油塘站轉車時，見到戴住眼鏡嘅吳剛師傅，坐喺車廂入面。做咗10幾年生意嘅佢，呢日依舊着住白色裇衫加畢挺黑色西裝、西裝袋仲放咗條袋巾仔。讀者劉先生話吳剛傾傾吓電話，見到有對父子企喺佢面前，原本揞嘴嘅右手，即刻好自然舉起手同人打招呼。劉先生話：「我以為嗰個爸爸係識吳剛師傅，點知吳剛同佢打招呼，個爸爸完全冇反應，仲行埋一邊，吳剛惟有放低手，表情都幾尷尬！」不過唔覺意會錯意嘅吳剛，好快又回復四萬笑容！轉頭吳剛再眼定定望住對面偷影緊嘅劉先生，望咗兩眼就露咗個會心微笑，似乎吳剛冇做娛圈咁耐，對鏡頭觸覺都幾敏銳。比起《東華》時嘅大隻吳剛，今年61歲嘅佢，身型明顯瘦咗一個碼，頭頂永恆濃密烏黑、密不透風嘅假髮，再加企領裇衫厚西裝，就算呢排天氣涼咗，但睇見佢呢身造型都戥佢熱！
| (圖片由讀者劉先生提供) | | |
| | | |
| | |
來源 source: http://s.nextmedia.com
|
鍾意就快D Share啦！
|
|
|