周秀娜話佢今次跳到周身骨痛，拍完之後要請兩日假去按摩鬆一鬆呀！
藝人周秀娜、鄧月平及蔡瀚億等為鄭丹瑞執導新片《小男人周記3之吾家有喜》拍攝跳鋼管舞戲份。周秀娜事前特意抽空上堂苦練，拍攝時更不理腳傷舊患，穿上4吋高跟鞋演出，相當落力！
請兩日假按摩
談到跳鋼管舞，自言自己跳舞似機械人的周秀娜表示有興趣，不過補充謂：「正式演出要着高跟鞋，頭先跪低嘅動作拉到條筋好緊，唔能夠完全坐落去。（抽時間做腳部手術醫舊患？）醫生話做手術未必好得番晒。（日後繼續跳？）我屋企樓底冇咁高，放唔到鋼管，大家睇我拍戲就算啦。」她打趣指今次跳到周身骨痛，所以電影完工後要請兩日假按摩。
搵愛女客串藐自己
鄭丹瑞亦被周秀娜演出的誠意所感動，又透露即使連蔡瀚億亦「加入戰團」：「最後出場係佢，佢仲會攬住條柱做埋moonwalk動作𠻹。嚟緊我仲安排咗蝦頭（楊詩敏）色誘張繼聰，有信心佢哋會做得好好笑，賀歲片想大家開心吓。」原來該場鋼管舞戲，鄭丹瑞是想獻給自己有此興趣的孻女：「我仲搵埋佢同家姐一齊客串，扮演貪靚嘅OL，背後仲要藐我，完全係佢哋喺屋企會做嘅嘢。好多年前我拍過套戲，當時太太仲佗住細女、手拖大女客串，近排佢哋睇番覺得好得意，咪搵佢哋一齊拍留個紀念，但老婆死都唔肯再出鏡嘞。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|