邵氏有大搞作，負責打骰嘅樂大媽一面光煥發，話晒終於可以一吐之前烏氣，心情靚一靚。之不過，屬於余詠珊個派人就唔多好受啦! 當日活動睇下排位，就知發生咩事。
好似洪永城、蕭正楠上緊位咋，未坐正㗎，被安排做人肉佈景板，睇落都叫當眼位置，但係再望真啲，阮兆祥同梁烈唯同啲大粒佬企喺頭排，點解? 咪就係因為樂大媽囉!
就算之前祥仔佢哋側側面都好，但都係同大台啲阿哥阿姐平排，前面又有黃百鳴等等大老細，點影都唔會走甩佢哋，鏡頭就到啱啱好，仲可以一齊祝酒，跟得樂大媽果然唔同啲，難怪洪永城塊面黑過墨斗!
話晒當日個一哥一姐企係前排祝酒，就連女朋友唐詩詠都有份企喺前面仲同馬明一齊祝酒。自己呢?就同其他二、三線藝人企係佈景板後面，前前後後成粒鐘，係臨LAST 晒冷先見到自己。你睇佢嘅笑容幾勉強……唉!
來源 source: http://s.nextmedia.com
|
鍾意就快D Share啦！
|
|
|