King Sir今次好好彩，發現患癌時係第一期，好快已經康復。
戲劇大師鍾景輝（King Sir）年屆79歲，但仍孜孜不倦，活躍於電視圈與舞台劇演出。但早前他因身體抱恙，而退出與愛徒陳國邦合演的舞台劇。據知，King Sir是患上大腸癌第一期，幸好發現及時，並立即安排處理，目前已經出院休養。
已經出院休養中
King Sir愛徒陳國邦接受《東網》訪問，透露King Sir身體康復進度良好，他說：「大腸問題已經處理好，佢係做微創手術，之後都唔需要做化療，目前已經出院休養中。（係做定期檢查時發現？）係嘅，佢咁大年紀當然會做定期檢查，亦都好好運地無意間發現到，可以盡快做處理。」講到King Sir退演舞台劇，國邦說：「我哋兩個星期後就要演出，對於一位剛做完手術嘅老人家，莫講係佢，就算係我都應付唔到，大家都係好專業嘅演員。（退演）當然唔會對劇團有影響。（期待King Sir康復回到幕前？）相信老師係唔會停，當然係要睇佢康復情況，佢康復進度好好，依家已經行動自如。」
來源 source: http://hk.on.cc
|
鍾意就快D Share啦！
|
|
|