去年七月結婚正式成為人妻的前港姐葉翠翠，向《東網》報喜承認懷孕四個月！一直恨生B恨到發燒、今年35歲的葉翠翠，為了不想做高齡產婦，結婚一年來不設防密密造人，並曾揚言要補身戒吃肉及生冷食物外，又頻頻看中醫調理補身，而老公周曉東也全面配合，為了想生「慈菇椗」改吃全素！
早有玄機
雖然葉翠翠佗B四個月一直「忍口」不公布喜訊，其實之前已經有迹可尋，在今年九月三十五歲生日前夕已知造人成功，但為怕「小氣」故不敢公布，而在生日當日她在微博話有玄機的留言：「雖然今年是很多年來最簡單的生日，包括沒有出街，沒有花，沒有禮物。但是今年生日是最有意義最快樂的！」直至上月廿九日，葉翠翠更上載和老公的合照及留言：「我們準備了！」即引來有喜揣測，惟當時她繼續「忍口」，之後再留言解釋是指為開派對作準備而已。
唔止想生一個
葉翠翠接受《東網》訪問時笑言家中最多的是驗孕棒，可知她恨B程度爆燈！葉翠翠說：「因為每個月都驗，所以屋企都會有唔同牌子嘅驗孕棒，而且有好多！依家都仲有好多喺屋企，要留番下次用！」嘩！睇嚟葉翠翠唔止想生一個，想陸續有嚟！
老公感動到喊
說到驗孕棒，原來葉翠翠向老公周曉東報喜當日，發生了一段跟驗孕棒有關的趣事。葉翠翠說：「當日知道有咗時，我都好緊張，仲用咗好多支驗孕棒嚟試清楚。之後我打畀老公話自己好唔舒服，叫佢即刻返屋企陪我。其實我係喺厠所放晒啲驗孕棒，仲寫咗張『I am pregnancy』嘅字條，當佢返到嚟時，我就叫佢入厠所拎厠紙，諗住畀佢見到可以有驚喜！點知佢來來回回出入厠所幾次都冇反應，當佢見到時，佢仲以為我整蠱佢。佢知道真係做爸爸時，佢感動到喊！」
上天送的厚禮
葉翠翠續說老公十分緊張及照顧入微，她說：「每次做檢查，老公都一定陪我去。有次醫生話BB而家大約2cm大，點知老公竟然話BB好似佢，搞到醫生都忍唔住笑！」揚言打算開刀生B，預產期在老公七月生日前的葉翠翠，直指這是上天送給她的厚禮，但對於BB性別則未有透露，她說：「暫時性別未肯定，總之老公話個B一定要似佢！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
