藝人曾華倩有個游水很厲害的兒子林浩賢（Martin），Martin於今日的港九區學界D1游泳決賽中，有「喇沙飛魚」之稱的他力壓宿敵，勇奪50米自游泳冠軍之外，亦同時刷新兩項學界紀錄。
勇挫強敵
今年就讀喇沙書院中六的Martin，身高接近1米90，加上皮膚白雪雪，場內場外均是焦點所在。其實Martin與學界另一位強勁對手近年於50米自由泳方面鬥得相當激烈，二人於是次初賽已同時打破學界紀錄，但當時對手時間快過Martin，並以首名姿態殺入決賽。
及後二人於學界最後一戰中，Martin以23秒49衝線奪冠！雖然贏了勁敵，但Martin卻勝不驕，並謂：「一個比賽有對手係好事，希望可以喺對方身上取長補短。」更大讚對手表現出色，十分有風度。
賽前失眠
談到連續三天進行比賽，Martin直指賽前一晚失眠，故令體力有所下降，幸好最後於100米自由泳賽中，仍以51秒69刷新學界紀錄，更游出個人最佳成績！
曾華倩朝朝做柴可夫
Martin游出彩虹，媽咪曾華倩絕對功不可沒。她於賽前曾對兒子說過一句：「搏盡無悔」，即令Martin於比賽中盡情豁出去；如今游出佳績，Martin亦趁機感謝媽咪的付出，他謂：「多謝媽媽無條件支持，每日早上5點半都車我去體院練水，呢個紀錄同冠軍都要獻畀媽咪同隊友，能夠為喇沙完成最後一個任務，仲打破埋紀錄，對我嚟講係一個超完美句號。」
對兒子感內疚
作為單親媽咪的華倩，離婚至今近18年一直單身，雖然之前曾與馬國明傳過緋聞，但「戀聞」最終卻不了了之。華倩曾透露未能為兒子帶來完整家庭感到內疚，故將成副精神放落兒子身上，每逢測驗、考試也定必在旁陪溫習，Martin每次練水及比賽亦例必出席以示支持，絕對是廿四孝媽咪。
睇兒子比賽超肉緊
而今次學界泳賽，廿四孝媽咪華倩亦有親身到場，全程於看台上𥄫實愛子一舉一動，當Martin出賽時，華倩更面露緊張神色，期間又舉起手機拍下愛子於在水中的英姿。當Martin完成個人第二項決賽（男子A Grade 100米自由泳）、並篤定奪冠兼再破紀錄後，華倩即激動地向天「直豎姆指」，及後更眼濕濕掩面，似乎對愛子有如此成就既感動又自豪！Martin游完最後一項接力賽後，曾華倩更隔住看台欄杆輕撫兒子頭頂，着他不要因落敗而傷心，場面溫馨。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
