歌手鄧麗欣（Stephy）率領自己的排球隊Loey出席「仁濟 x Loey聯校女子排球友誼賽」，而之前傳出追求Stephy的大埔足球隊主席蔡尚圻亦親自現身捧場，大合照時兩人雖然站在一起，但中間明顯有「少少距離」，而蔡尚圻則顯得有點靦腆。
緋聞男友蔡尚圻捧場
Stephy表示今日都會落場參加友誼賽，她透露球隊目的是想多些小朋友能接觸到排球，這次亦是第一次以球隊名義出席慈善友誼賽。講到緋聞男友蔡尚圻來支持？Stephy說：「大家係朋友啫，咁我上次有支持佢，佢今次支持番我。（想追你？）佢唔敢啦，佢都唔想，都唔知佢鍾意邊類型。」再問可會叫小方來捧場？Stephy笑說：「點敢叫佢嚟，嚟咗啲焦點會錯咗啦。」
信晒小方
講到今日方力申出席另一個活動時，被問到可會主動聯絡Stephy時，小方答會私下和她「四四六六拆掂佢」？Stephy笑謂：「咁你哋畀我哋拆咗先啦，都未拆！（話一直都係朋友關係唔使特登搵？）都係，唔使刻意搵，在心中。（小方都係咁講，你哋真係好夾？）隨緣啦。」對於小方稱雖沒有聯絡，但有向同事八卦她的事？Stephy笑言都有follow對方的事，知對方繼續有做運動。
再提到小方表示與何超蓮及沙律（張沛樂）的緋聞都是假的？Stephy謂：「佢話唔係就係。（信佢？）佢話唔係嘛！（你依家係咪多咗好多空間識異性朋友？）不嬲都好多空間，亦唔介意同任何人做朋友。」
Kary唔追究邊個係「鬼」
另外問到可有見過吳雨霏（Kary）？Stephy說：「之前一路都有，不過報道出咗就未見。（一早知佢小產？）嗰時係有陪佢，同佢傾偈，知佢依家出返嚟做嘢都替佢開心，嗰時係擔心佢健康。」談到Kary表示「好少人知件事」，問到可知誰是「內鬼」？Stephy謂：「始終一個知，十個都會知，好難話係邊個，亦冇得話怪邊個，依家Kary冇事亦都唔會再追究（怕唔怕誤會你？） 唔會，佢知我最口密。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
