繼之前喺旅遊節目曬有千對鞋，俾網友狂插後，近日杜如風炮製，喺大台播緊嘅《關西攻略二》一樣俾網友鬧爆。鬧啲咩？呢位網友以「你叫日本留學過的人，情何以堪。」為題。
事緣其中一集佢介紹大岩亭極濃豚骨湯拉麵時，先嚟一句：「我不入地獄，誰入地獄！」，基本上係狂踩間食肆。
口味呢家嘢好主觀，唔啱佢食都算，令網友睇唔過眼嘅係佢用三隻筷子插喺碗麵裡面，然後拜兩拜。試食完筷子一樣好似三支香咁插住。於是呢位應該……似係日本留學生嘅網友狂轟杜如風，話佢此行為係日本禁忌，完全唔尊重當地文化，更話呢個節目嘅參考價值，比網上有質素嘅旅日blog仲要低。
言下之意，即係插喺日本留過學嘅杜如風，影衰曬班日本留學生。
來源 source: http://s.nextmedia.com
|
鍾意就快D Share啦！
|
|
|
