【嚇到呆咗】Super Girls超性感演唱會 Heidi誘惑舞男fans
2016-11-12 00:00:00 HKT
如果Heidi咁樣誘惑你，受唔受引誘先？（攝影：陳慧安）
Super Girls噚晚演唱會中段嘅嗰陣，就講到事業都遇到高山底谷，之後就唱出《高山低谷》，唱唱下林奕匡就走咗上台，五個女仔就攬住林奕匡。佢哋又話一直都好想請林奕匡，所以有一次喺後台就叫佢嚟做嘉賓，之後佢哋就台上自拍合照，Super Girls就去咗後台換衫。
換好衫之後，出嚟嘅唔係佢哋，而係5個裸男，之後先到Super Girls出場，五個好性感，Aka仲着咗件中間係肉色嘅衫，好性感咁唱出《擋不住的風情》，唱唱下啲裸男就捉咗個男fans上台，畀佢坐喺台中間，唱完歌，Heidi就對住個男fans大做好誘惑嘅動作，睇到個男fans呆咗。
之後就到農夫做嘉賓，唱完歌之後就同觀眾講：「一睇就知你哋係鍾意廣東歌，學Eason話，鍾意廣東歌就連天堂鳥都要聽，我哋就地獄蛇，聽日會有簽唱會，大家可以嚟，o依家唱片好難做，要去人哋嘅演唱會宣傳。」Super Girls出返嚟就同佢哋唱《舉高隻手》，但就換咗啲冇咁性感嘅衫，C君就話：「做咩一見到我哋就着啲咁嘅衫。
之後就捉咗一對單身嘅男女上台，就話有張雙人來回機票畀佢哋，話講笑話佢哋要住埋同一間房，仲叫佢哋攬一攬。
今次佢哋喺光棍節開騷，之前就叫咗啲單身嘅朋友要着綠色衫嚟，Cheronna就話：「陳瀅着綠色衫，佢係單身啊！」之後仲話要告別單車，大叫：「我哋要拍拖！」就完場嘅時候，Cheronna就話：「真係用咗好多時間去排，好辛苦，好多謝每一個買飛入場嘅人。」講完之後就喊咗出嚟，啲姊妹就攬住佢。
來源 source: http://hkm.appledaily.com
|
鍾意就快D Share啦！
|
|
|
