對於華嫂Heidi嚟講，生命中最重要係邊個？洗米華？曾經囉！世上只有媽媽好，Heidi認為最重要嘅人係無論乜嘢時候都咁撐佢嘅媽媽。
華嫂最近接受澳門航空刊物《高峰傲》訪問，罕有講家事，佢話生命中最重要嘅人係佢媽媽，因為細個嗰陣，爸爸經常唔喺佢身邊，媽媽既要工作，又要照顧佢同家姐，好辛苦。
難怪佢而家做慈善，都主要集中幫助孤寡同老人。後來佢媽媽身體唔好，唔能夠再工作，但仍然照顧得兩個女好好。媽媽嘅愛，到而家都令華嫂充滿力量。有媽媽呢個榜樣，佢努力做個好媽媽，爭取親子時間，幾忙都送細女返學前班。華嫂仲話自己唔想做只係湊仔同行街買嘢嘅家庭主婦。
佢話︰「生活狀態應該是能兼顧工作、家庭，然後自己的活動、自己的私生活，但是我覺得現在狀態挺好的。」 最近佢仲成為澳門海峽女企業家協會會長， 除咗涉足飲食同美容生意，最近仲喺網上賣名牌晚裝、珠寶同手袋等等，遲啲仲會開花店，認真瓣數多多。
來源 source: http://s.nextmedia.com
|
鍾意就快D Share啦！
|
|
|
