掃呢頁CODE去手機

2016年12月8日 星期四

秘密返港覆診 王菲快閃 [壹週刊 - 1396] __,王菲,M1,

早前做過矯視手術的王菲,上週專程返港覆診。探熱針秘密返港覆診 王菲快閃六年冇開騷吸金,王菲終於再開金口,今個月三十日在上海舉行《幻樂一場》演唱會,講到明只此一場,內地黃牛明目張膽賣廣告,第一排VIP位,開價一百萬,勁狼死!唱一場,天后王菲當練歌,上週四(1/12)再秘密從北京返港,據知,月初曾在港做眼部手術的她,今次是專程回來覆診,只逗留兩日,速去速回。遊花園甩傳媒當日下午四時,王菲單拖現身赤鱲角 ...


早前做過矯視手術的王菲,上週專程返港覆診。

探熱針

秘密返港覆診 王菲快閃

六年冇開騷吸金,王菲終於再開金口,今個月三十日在上海舉行《幻樂一場》演唱會,講到明只此一場,內地黃牛明目張膽賣廣告,第一排 VIP位,開價一百萬,勁狼死!

唱一場,天后王菲當練歌,上週四( 1/12)再秘密從北京返港,據知,月初曾在港做眼部手術的她,今次是專程回來覆診,只逗留兩日,速去速回。

遊花園甩傳媒

當日下午四時,王菲單拖現身赤鱲角機場,一身 casual wear的她孭住只要兩萬蚊就有交易的 Celine秋冬新款 oversized twisted cabas袋,在入境大堂一出現,助手即撲上前接駕。 Cool爆的王菲,木無表情,同助手零交流,全程篤住電話,摩打腳行去停車場上車。

保母車直駛金鐘太古廣場,原本打算落車的阿菲,發現記者,馬上改變主意,遊花園撇追踪。

上月初,阿菲被拍得現身旺角鬧市,到惠豐中心一間眼科診所求醫,離開時,右眼更包住紗布,之後經理人陳家瑛解釋阿菲是剛做完矯視手術。

據了解,阿菲今次是專程返港覆診,在港只逗留兩日,上週六(十二月三日),便啟程返京。回程當日,阿菲下午在助手陪同下到達機場,對於記者追問右眼手術後康復情況,她全程置若罔聞,不發一言。

3/12

入閘時,保安要求王菲除低黑超認樣。

1/12

一向鍾情 Celine的王菲,連日來孭住價值兩萬蚊的 oversized twisted cabas袋。

實名制賣飛

臨入閘前,機場保安要阿菲依例除眼鏡,素顏樣被迫曝光,令她加倍,除低黑超讓職員核對登機證和護照資料後,即面燶燶衝入閘。

離開騷只有三星期,個唱週一(五日)開始公開發售門票,但黃牛飛已搶先一步開售,原價$1800人仔一張的平價飛炒至過萬,貴價飛更加開出「癲價」,一百萬一張。主辦商為咗杜絕黃牛,推出辣招,以「實名制」賣飛。不過,今次個唱玩高科技,由網絡直播形式演出,就算尋常入唔到場,都可以上網睇!

九月初,王菲在演唱會記者會上透露會唱囡囡竇靖童的歌,但就拒絕母女同台。

六年冇開騷,王菲的上海個唱被黃牛炒到「癲價」一百萬一張。

今年王菲 47歲生日,帶埋兩個女去布吉度假。

「世紀復合」後,王菲同霆鋒大部分時間留守北京,甚少返港。

撰文、攝影、攝錄:娛樂組


鍾意就快D Share啦!