2016年12月8日 星期四

繼續避談麥秋成 蔡思貝拖胡楓落水 __,麥秋成,蔡思貝,胡楓,

蔡思貝拉埋胡楓落水!藝人蔡思貝現身電視城,受訪時講到與麥秋成疑似分手一事,她表現態度輕鬆,繼續以「向來不講感情事」來招架,思貝說:「我不嬲都話感情事唔多提,希望大家foucs番我工作。(感情有變?)我啲感情擺喺拍劇度,今次個角色有新嘗試,戴假牙、有疤痕,令我完全做另一個人,好有滿足感。(二人關係如何?)身邊不嬲都好多好多朋友,麥秋成係其中一個。(有朋友話你哋少見?)拍劇時連爸爸、媽媽都少見!(對方 ...


蔡思貝拉埋胡楓落水!

藝人蔡思貝現身電視城,受訪時講到與麥秋成疑似分手一事,她表現態度輕鬆,繼續以「向來不講感情事」來招架,思貝說:「我不嬲都話感情事唔多提,希望大家foucs番我工作。(感情有變?)我啲感情擺喺拍劇度,今次個角色有新嘗試,戴假牙、有疤痕,令我完全做另一個人,好有滿足感。(二人關係如何?)身邊不嬲都好多好多朋友,麥秋成係其中一個。(有朋友話你哋少見?)拍劇時連爸爸、媽媽都少見!(對方喺ig上寫浪費時間喎?)你哋諗多咗,我都會無端端寫啲感性嘢!佢ig寫感情事,可能睇咗書或戲有感而發呢......唔知(會了解?)其實冇乜特別了解,唔係咩大件事。」

結婚會同大家講

問到麥秋成是否因為她才寫下這些說話?思貝說:「唔會啩?(分咗手會公開嗎?)感情唔講(但你冇否認?)感情都係唔講!(會因多緋聞令男友冇安全感?)多緋聞證明我人緣好啫!哈哈!講笑!拍劇唔係男就係女,除非講姊妹情就話同女仔多對手,所以拍檔上多同男仔對手戲,彼此有默契,接觸多咗,緋聞就係咁傳出嚟啫!(分手唔講,結婚都唔講?)應承大家,結緍我會講!」

唔記得冇見麥秋成

說到此時,思貝有點招架不來,意圖拉着路過的胡楓(修哥)解圍,她笑說:「我同修哥!」修哥笑讚思貝靚女,做戲又好!思貝笑言「面都紅晒」。當被問到對上一次是甚麼時候見麥秋成時,她則答:「冇咁計喎!(好耐?)我唔記得!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...