掃呢頁CODE去手機

2016年12月28日 星期三

【動畫 獨家有片・昏迷六日部份失憶】三個月好番變埋型仔 陳子聰陪超儀Shopping __,超儀,陳子聰,何超儀,



其他影片:>>






八月初,陳子聰因為肝劇痛暈低,入咗港安醫院深切治療部,嗰時已經係昏迷,仲昏迷長達六日,嚇到超儀好驚,急call老爺奶奶返香港,又叫咗班好友去探老公,俾精神力量支持佢。好彩子聰奇跡甦醒,但有段時間仲係迷迷糊糊,先後做咗兩次手術,醒番更出現部分失憶添!不過,依家佢康復好多嘞,呢日仲同老婆何超儀,加埋外籍保鏢,一齊行金鐘太古廣場,再入咗一間家品店睇嘢。初時,超儀睇到靚嘢,都有指一指俾老公睇,順便問吓意見 ...


八月初,陳子聰因為肝劇痛暈低,入咗港安醫院深切治療部,嗰時已經係昏迷,仲昏迷長達六日,嚇到超儀好驚,急call老爺奶奶返香港, 又叫咗班好友去探老公,俾精神力量支持佢。

好彩子聰奇跡甦醒,但有段時間仲係迷迷糊糊,先後做咗兩次手術,醒番更出現部分失憶添! 不過,依家佢康復好多嘞,呢日仲同老婆何超儀,加埋外籍保鏢,一齊行金鐘太古廣場,再 入咗一間家品店睇嘢。

初時,超儀睇到靚嘢,都有指一指俾老公睇,順便問吓意見。之後,超儀有超儀睇嘢,陳子聰就一個人行開,仲行埋出鋪頭,自己踱嚟踱去。無見一排,佢睇落飽滿咗,頭髮濃密咗,又留咗鬚,成個型仔番, 可能係咁,佢對住塊鏡狂撥頭髮好姿整, 但佢始終大病初癒,身體仲係有啲虛弱,所以行路都係慢慢行!

另一邊廂,超儀睇中價值兩萬幾元一個嘅喇叭,同外籍保鏢一齊研究,最後使咗五萬幾元買咗一對,再會合返陳子聰行去商場另一邊換禮品。

超儀同外籍保鏢排隊,陳子聰又一個人行開,仲愈行愈遠,企咗喺欄杆度四圍望,自得其樂。之後,佢又行埋中間啲假花布置度,似乎唔知啲花係假,好奇咁聞吓,仲伸手去摸吓啲葉。

見到佢而家脹番,個肚又唔係六月時咁脹,連頭髮都長番晒,健康番晒嚟。陳子聰加油!


來源 source: http://s.nextmedia.com
鍾意就快D Share啦!