掃呢頁CODE去手機

2017年1月26日 星期四

隱世廿年變單身 《酒杯》黃寶欣賣蛋撻 [壹週刊 - 1403] __,黃寶欣,M1,

黃寶欣復出,唔揀登台或拍劇,而係手打酥皮蛋撻。探熱針隱世廿年變單身 《酒杯》黃寶欣賣蛋撻97年退出娛圈轉行做保險的黃寶欣,與從商的男友結婚後銷聲匿跡;只有她跟舊拍檔鄭敬基合唱的經典歌《酒杯敲鋼琴》,依舊熱爆K場。隱世二十年,50歲黃寶欣忽然蒲頭,但並非復出幕前,而是在九龍城開鋪賣手打的酥皮蛋撻「酥妃皇后」。賣蛋撻,背後是剛結束婚姻,做個單身快樂人。同社會脫節十年當初黃寶欣毅然退出幕前,與嫁人無關, ...


黃寶欣復出,唔揀登台或拍劇,而係手打酥皮蛋撻。

探熱針

隱世廿年變單身 《酒杯》黃寶欣賣蛋撻

97年退出娛圈轉行做保險的黃寶欣,與從商的男友結婚後銷聲匿跡;只有她跟舊拍檔鄭敬基合唱的經典歌《酒杯敲鋼琴》,依舊熱爆 K場。

隱世二十年, 50歲黃寶欣忽然蒲頭,但並非復出幕前,而是在九龍城開鋪賣手打的酥皮蛋撻「酥妃皇后」。

賣蛋撻,背後是剛結束婚姻,做個單身快樂人。

同社會脫節十年

當初黃寶欣毅然退出幕前,與嫁人無關,是被歌手好友蔡濟文勸退。

「當時想轉行,問佢(蔡濟文)點睇。佢提議我自己諗吓未來嗰兩、三年仲會唔會大爆,會唔會紅?我話冇可能佢就話:『咁咪係囉!要搵番啲長遠嘅事業。』,所以咪轉做保險。」黃寶欣說。

九七年,轉行兼結婚,婚後仍為個人事業搏殺,在盈科保險做到 Top sales,又開過泰式按摩店,直至○六年,才放下所有做全職主婦。今日再重新出發,十年的人妻生活,黃寶欣發覺,原來自己早已跟社會脫節。

「大仔喺美國讀書(今年升大學),個女都十六歲;啲細路返晒學,一個人喺屋企煲韓劇,開始發覺有問題;十年冇做過嘢,自信心低咗好多,當其他人都行得好快,自己仲停留喺原位,十年時間唔短,同個社會脫節咗,我要跟番上個時代步伐。」

去年舊拍檔鄭敬基回歸娛圈開個唱,封咪廿年嘅黃寶欣為佢開金口做嘉賓。

到黃寶欣創業賣撻,忙到爆嘅鄭敬基喺 facetime撐佢:「我要買一打,酒杯敲蛋撻。」

歌壇日子,留下的經典就係同鄭敬基合唱神曲《酒杯敲鋼琴》。

當年唱片市道好,黃寶欣幾張大碟都賣到白金或金唱片成績。

那些年,跟出道比佢早幾年的林憶蓮排排企。黃寶欣說:「如果當年我唔好太執着,可能喺娛圈可以耐啲。」

店鋪包租公認得黃寶欣,當日專程嚟幫佢打氣。

前夫安排妥當

一個新開始的出現,也因為建基於過去的結束。苦心經營的廿年婚姻關係破裂,踏入二○一七年,黃寶欣辦好離婚手續,雖然回復單身,但她沒有感到徬徨失措。

「我哋(同前夫)依家仲係好朋友,最緊要係冇影響對仔女;對方亦安排得好好,令我唔需要擔心生活。」

曾經為家庭放棄自己的理想,但夫妻緣盡,無法勉強。

「一段婚姻要維持長相廝守係好難,尤其大家生活地點唔同(前夫在國內做生意),老公响外面做嘢,太太只係家庭主婦就更加難,因為大家行嘅步伐唔同;我擺仔女位置係好前,關注度亦放晒喺佢哋身上,可能咁樣,忽略咗對方都唔定。有冇努力挽救過?咁當然有」

當年黃寶欣同陳慧嫻、小鳳姐及已故陳百強,齊奪白金唱片。她身旁的黃凱芹(左三),與她同期出道。

婚後的黃寶欣,將全副精神放在一對仔女身上。

人生中最驕傲

為免傷害更深,黃寶欣選擇放手,反而出現一個抖氣位。

「唔好話婚姻,男女朋友都好,到分手嗰刻,最緊要大家搵到大家開心嗰個點!原來分開先會搵到嘅,咁咪分開囉,唔好強求。我人生最驕傲,係花咗好多時間將一對仔女培育好,依家條路佢哋自己創,咁我都要搵番一條適合自己嘅路嚟行。」

跟鄭敬基互相支持

今日,黃寶欣將全副精神由一對子女轉移到餅店。準備試業,每日留守鋪頭,朝九晚九。訪問當日,連餅店包租公都專程來打氣,鄰店又過來八卦幾時正式做生意;當然唔少得死黨兼拍檔的鄭敬基,不時 facetime支持。

「當初我支持(鄭敬基)再婚,佢梗係要支持番我。」

人生下半場再發力,但對感情,她不抱寄望。

「冇乜!因為我對自己都冇信心,冇信心可以再全情投入一段感情,所以亦冇可能要求人哋。」黃寶欣說。

人手打造 368層酥皮

「酥妃皇后」原本計劃先在香港開鋪,礙於租金太貴,黃寶欣的拍檔惟有改變策略,先到內地創業,憑餅店以人手打造 368層蛋撻酥皮及全蛋漿,不加任何凝固劑的省招牌功夫,廣受歡迎,國內的分店愈開愈多,為數有四十多間。

由於黃寶欣女兒跟餅店老闆女是同學,兩家人早已認識,對在港開店更加一拍即合,九龍城是雙方合作第一間店,也是黃寶欣回復單身後,重新出發第一步。

對於蛋撻,黃寶欣也有一段難忘回憶。

「以前做歌手唱酒廊搵食,一日要走幾場,好多時都趕唔切食飯,最鍾意就係食蛋撻頂肚,估唔到而家會開餅鋪賣蛋撻。」

黃寶欣:創業,為要幫自己建立番自信。

師傅將兩吋厚的三百多層疊埋嘅酥皮,搓成撻杯,全程人手打造,重拾五、六十年代,講求手工的文化。

「酥妃皇后」的撻,個個重分量兼面積較大,蛋撻$10,另一鎮店之作榴槤酥皮撻$18,每日限量。

果撻$28

牛角包$12

港版松田聖子

提起黃寶欣,除了經典合唱歌《酒杯敲鋼琴》,其他可能不易記起。 85年參加新秀, 87年出道,因有齙牙加上樣子可愛,當年被封為港版松田聖子。今日的 Cool魔張智霖、許秋怡、蔣志光也是她昔日公司戰友,而同期出道的歌手有黃凱芹及劉美君。

黃寶欣處女作《酒杯敲鋼琴》,敲出雙白金數字,作為新人成績超晒班,第二張唱片《他是誰》亦賣得金唱片數字。

90年,黃寶欣加入大台做藝員,拍處境劇《同居三人組》,憑一臉童顏飾演「𡃁仔」一角及在《淘氣雙子星》演學生妹。 95年她由大台跳去亞視,兩年後正式退出娛圈。

出道時黃寶欣的齙牙妹樣,跟日本偶像松田聖子有幾分相似。

松田聖子

她與劉美君同期,跟韋綺姍屬同一公司。

前度黃翊為愛棄事業

傳聞黃寶欣曾與鄭敬基拍拖,但她的唯一圈中真命,是黃翊。二人 92年拍拖,當時黃翊是新藝寶旗下力捧歌手,在唱片公司高層施壓下,他要扮單身冧粉絲,甚至被打壓,逼他跟黃寶欣分手。但黃翊堅拒,結果被唱片公司掟入雪櫃。

被雪的黃翊收入大減,黃寶欣與男友共患難,在舊樓築愛巢,之後試過孖住開唱歌學校,雖然無法開花,但二人再見亦是朋友。

重提昔日情,黃寶欣笑一笑:「年紀輕嘛,每個人都有傻過嘅日子,喺外人眼中係傻,但對當事人就未必,人嘅成長就係咁!」

03年,她跟家姐和細妹開泰式按摩店,可惜之後因大行其道,泰式師傅被高薪挖角加難抵租金,惟有結業。

黃寶欣說,做家庭主婦令她一度失去自信,跟社會脫節。

當年她由大台跳去亞視,拍過幾套劇,但冇乜人留意,最後索性轉行搵出路。

當年二人拍住拖開唱歌學校。

今日各走各路,但巧合都做飲食,男的早在大埔開大牌檔。

撰文、攝影、攝錄:娛樂組


鍾意就快D Share啦!