現年34歲韓流天王Rain同36歲女友金泰希2013年被踢爆拍拖，兩人拍拖多年感情一向好穩定，兩人多次傳出婚訊，但一直只聞樓梯聲。直到今日Rain就終於宣佈與金泰希結婚，佢今日仲喺Instagram上載親筆信，直認結婚消息，並留言：「出道16年了，我也希望能夠成為一個家庭嘅大家長，一個優秀嘅丈夫，無論喺我辛苦嘅時候還是幸福嘅時候，佢總係守候喺我身旁，畀我很多感動，現在我哋之間有咗足夠嘅信賴，亦希望愛情能夠結出果實，婚禮希望能夠盡可能安靜嘅舉辦，感謝大家16年來嘅愛和支持，佢係我人生最好嘅禮物。」而韓國傳媒就指婚禮將於下月19號喺一個教堂內舉行，Rain所屬事務所就話婚禮會以非公開形式舉行，時間同場所就會保密，只會簡單地由兩家人低調進行。至於準新娘子金泰希，今日亦透過事務所方面稱：「兩人嘅愛情終於結出美麗嘅果實。」
來源 source: http://s.nextmedia.com
|
鍾意就快D Share啦！
|
|
|
