探熱針
3D肉蒲團帶挈 藍燕住獨立屋揸辣跑
11年， 3D三級片《肉蒲團之極樂寶鑑》成功招惹無數內地人「球迷」組團來港外，更令來自上海、懂多國語言的藍燕，收入從此「扶搖直上」。
過去五年，在內地狂接 job， 60萬做商演活動，收七位數片酬，愛投資磚頭的她，已經有超過五千萬物業揸手，住獨立屋、揸辣跑；只有 26歲的藍燕，多財多藝！
收股票唔要片酬
已經超過一年多沒有踏足香港，上月底專登返港一行，跟朋友過聖誕元旦，向朋友商借了遊艇出海的她，雖然遇上大風天陰天氣轉冷，依然不減興致，照計劃維港遊。
○五年出道，擁有八分一俄羅斯血統的藍燕，一直發展平平；直至五年前全裸接拍三級片《肉蒲團》，電影大收四千萬並成為一一年港產片票房冠軍，自此，在國內多了個「 3D女神」封號的她，人氣爆燈。
強調只欠一個突圍機會！藍燕好肯定，自己沒有選擇錯誤。
「我接拍（《肉蒲團》）前問過幾個導演，仲有身邊朋友同埋爹哋媽咪，佢哋都好支持！我同舒淇嘅目標唔一樣，佢當時要賺錢，我只係想增加知名度同發展事業。所以當日我冇收片酬，只係要咗佢哋公司嘅股票，而家已經升咗幾倍。」
自此，藍燕在國內知名度大增，更由女二變女一。
「呢套戲令大家鍾意我，之後都拍咗好多部古裝劇。」
人氣升，商演活動叫價六十萬，一樣其門如市，更不包括她所拒絕的夜場酒吧騷。
「而家拍戲片酬都高過以前五倍，一套戲，最低價都有七位數。」藍燕說。
上海買別墅
劇接劇的她，去年與台灣前組合飛輪海的辰亦儒合作一部時裝劇，因為安排在湖南衞視推出，藍燕寄予厚望。密做密執， cash換磚頭，唔使愁！
「我拍《肉蒲團》之前已經開始投資買樓，○六年喺北京買咗第一間屋，每次都賺到錢，之後加埋屋企人嘅錢，一齊投資。開始只係玩細價樓，裝修一下再賣出去，只要個市配合，可以賺到四至五倍。」
現時手上擁有多個物業的藍燕，最近在上海買了一幢市價過千萬的別墅，正在裝修中，事事順風順水的她，更坦言有老闆求婚。
財產自己管
「對方喺內地做實業嘅！我都有想過，可能突然閃婚，但之前睇到新聞，老公破產，老婆要幫佢還錢，唔知真定假；但我都驚因為錢，對方先同我求婚，所以都有問啲 friend，點可以保住自己嘅財產，如果老公破產，係咪一定要老婆還。我認為財產最好各管各嘅，我驚自己啲錢冇晒。」藍燕說。
自爆拒絕周杰倫
現年 26歲的藍燕 05年入行，第一部電影《蝴蝶之吻》即孭飛女一， 08年曾參選亞姐。 11年，大膽開放的她自揭跟導演唐季禮有過一段情，更指二人見面第四次已經發生關係，不過唐季禮卻發聲明否認，事後藍燕表示男方的回應是維護她，否則直接說「不認識」便可。
此外，藍燕聲稱周杰倫曾經追過她，當時仍是單身的周董，多次要求約在北京見面，她認為周董人很好，但有太多人喜歡，沒有接受。
36F雷神絕跡娛圈
另一個憑《肉蒲團》彈出的 36F雷凱欣，因在戲中兩秒極速露兩點成為宅男女神，更被網民捧為「雷神」，其後爆出「露兩點」其實是替身上陣，惹來網民指責「老點」。
戀愛大過天的雷神，有戲唔接有廣告唔拍，《肉蒲團》後便絕跡娛圈，跟潮牌老闆男友 Jack Chan周圍旅行，又學瑜伽和下廚，專心一致，做全職女友。
撰文、攝影、攝錄：娛樂組
|
鍾意就快D Share啦！
|
|
|
