熱爆娛樂: 【獨家】出院三個月陳子聰拐拐吓行日本城超儀心急尋夫衝紅燈 _

2017年1月6日星期五

【獨家】出院三個月陳子聰拐拐吓行日本城超儀心急尋夫衝紅燈 __,超儀,拐拐,陳子聰,何超儀,

其他影片：>>

大病一場，康復咗先知健康嘅可貴。患難見真情，陳子聰自從8月因為腸胃問題入院，身形暴瘦，仲被指昏迷六日，醒咗後曾經出現失憶，太太何超儀就一直喺身邊陪伴。子聰出院幾個月，有報道指佢做多咗運動，個人飽滿番亦精神咗，但行路仲係一拐一拐咁。（新聞連結： http://bit.ly/2jcQADq ）前晚8點左右，子聰同超儀喺外籍保鑣陪同下喺灣仔落車，三個人行咗去日本城睇家品。子聰復元速度好理想，精神好好，但就離奇地有小肚腩。最近天氣轉寒，陳子聰亦做足保暖功夫，戴咗頂冷帽出動，同超儀及外籍保鑣一路行一路傾，不過行動速度就差少少，仲係拐拐吓咁，之前有報道指其因為尿酸問題，致行動仍稍有不便，尚待時間調理。子聰入到去日本城，睇過吓啲衣架、膠櫃桶；超儀就去睇啲餐具，三個人行大約行咗半個鐘，就叫番司機接佢哋走，由於子聰好番無耐，行得比較慢，所以佢就先同司機行去攞車。超儀同外籍保鑣俾完錢，可能心急搵番老公，冇睇清楚有冇車就想過馬路，好彩外籍保鑣拉住，超儀停一停步，先冇俾的士撞親咋！

比起之前剛出院的模樣，呢個陳子聰明顯精神好多。（採訪、攝影：徐錦池、孔志豪）	陳子聰大病初癒，做多咗運動，成個人飽滿番。	又睇膠櫃桶又睇衣架，子聰喺店內四圍走。
何超儀就同外籍保鑣睇餐具。	排隊俾錢嘅時候，司機過嚟接佢哋。
	乖乖咁上咗車先。
好彩保鑣拉住，超儀先冇衝出馬路。	（資料圖片）	（資料圖片）