張敬軒王牌歌手地位不變
英皇歌手張敬軒近日無辜跌進「是非漩渦」，被內地部分媒體誤傳指遭英皇「暗中除名」，而傳言與事實根本不符，軒仔加盟英皇三年多一直受力捧，更是他事業最輝煌時期，尤其在樂壇成績有目共睹，單在剛過去的樂壇頒獎禮便大豐收橫掃10個獎項，今年軒仔事業會更上一層樓，英皇打造他出任電影男主角。
軒仔近日慘遭是非衝埋身，日前被傳遭內地歌唱節目《歌手》（前名：《我是歌手》）撤走後，昨日便被部分內地媒體「歪曲」報道，當中更指軒仔被英皇「暗中除名」，軒仔面對種種是非都保持緘默態度，而視軒仔為王牌歌手的英皇則相當震驚，挺身力撐，因軒仔自2013年簽約英皇旗下都一直是「重點力捧」目標。
得寵程度有增無減
昨日就軒仔被「歪曲」報道事件向英皇高層霍汶希（Mani）查詢，她在電話中激動否認：「絕對冇咁嘅事，係歪曲事實嘅報道，英皇一直係百分百支持軒仔，而軒仔一直都係英皇重點歌手，由以前到將來都係投放大量資源喺軒仔身上，依家公司正忙於為軒仔搞演唱會，亦籌備緊佢嘅廣東、國語新碟，而將來軒仔亦係英皇主要王牌歌手。」
其實軒仔自三年多前以八位數字身價加盟英皇，「得寵」指數從來是有增無減，為軒仔事業推上更頂峰，在2014年幫他登上紅館舞台開第三次共三場個人演唱會，今年２月16日起聯同好拍檔王菀之在紅館舉行四場演唱會。至於在頒獎禮成績，軒仔加盟英皇後即首得無綫《2014年度勁歌金曲頒獎典禮》的「最受歡迎男歌星」獎，其後兩年此大獎亦是軒仔囊中物，造就他成三連霸得主，而剛結束的四台頒獎禮，成功狂掃共10個音樂大獎，絕無其他男歌手能夠匹敵。
打造「全方位藝人」
軒仔的卓越表現英皇當然「收晒貨」，所以一方面為軒仔繼續發展音樂事業，另一方面會將他打造成「全方位藝人」，使他在演藝事業發揮無限空間。軒仔曾演過舞台劇及客串電影，英皇將軒仔推上「大銀幕」，投資８位數字製作及宣傳費，助他首嘗擔正做男主角的滋味，演出由陳果執導的電影《燦爛這一刻》。問到Mani力捧軒仔進軍影壇？她說：「因為軒仔除唱歌外，亦有好多才華，包括演戲方面，軒仔知道要做男主角都好大壓力，所以放咗好多心機落去拍，呢套係非商業電影，係一部勵志同正能量嘅電影，希望軒仔憑呢部戲畀大家認識到，佢係一位全方位藝人。」
文：音樂組
|
鍾意就快D Share啦！
|
|
|