【16：16更新】九巴發言人回應事件。「有心讓座，每個都係關愛座！」由於要推廣讓座文化，多個公共交通機構，都設立「關愛座」或「優先座」，港鐵更指會新增每卡列車優先座數目至4個。惟就有關座位被「霸佔」問題，卻經常在網上掀起熱議，令讓座位有「批鬥座」這別稱。近日網上亦流傳一段長約40秒的短片，片中一對男女被指沒有讓座予手持拐杖的老伯，被旁觀者揚言拍片上載facebook分享，惟對方不怕被公審，認為拍片者是多事。據姓彭的上載短片者聲稱，於昨晚在一輛來回將軍澳坑口至牛頭角站的98A號路線九巴，車上有一對男女坐在關愛座，因有婆婆目睹有手持拐杖的老伯上車，着兩人讓座時，有人卻稱：「想有位坐，搭的士吖笨！」及質問：「大家都畀咁多錢，點解要我讓坐？」其後則被其拍下短片，及上載facebook「公審」。由片中可見，當時兩名男女舉起手機反拍對方，女方認為對方多事，指出：「你坐我哋會讓，點解你唔坐又咁多事呢？」並一度質問拍片者是腳有問題，還是腦有問題？事件亦引起網民熱議，亦就是否需要讓座問題展開激烈的辯論。九巴發言人表示，由2012年開始，九巴於轄下所有巴士增設關愛座，鼓勵讓座予有需要的乘客，亦在關愛座附近的車窗上亦張貼了標語，以提醒乘客。九巴鼓勵乘客乘車時多留意身邊有需要的人士，主動讓座，以宣揚關愛文化，一起為安全和愉快的巴士旅程多走一步。
【網民點睇】
Yuk King Bonnie Lee：唔知醜字點寫咩，我教你哋。
Maggie Lai：而家都唔知乜嘢教育，變成咁，細個呀媽已經教，見到老人家就要讓坐。
Pigpigdaddy Lee：香港之恥。
XI Doubless：讓座係人情，唔讓係道理。
Pak Ching：關愛座並無關愛，只有批鬥同人渣。
你敢爆，我敢獎！ 即Call《蘋果》24小時爆相爆片熱線：63836568
|
鍾意就快D Share啦！
|
|
|
