兩大男神向大家拜年。
型男謝霆鋒與鄭容和近日忙於宣傳新片《決戰食神》，臨近歲晚，二人在年三十晚互相介紹兩地的賀年食品！霆鋒推介油角仔及糖冬瓜等小食，寓意新一年荷包有如油角脹卜卜，而糖冬瓜則寓意好頭好尾，在新一年工作順利、事事順景。鄭容和則介紹韓國傳統食物年糕湯，象徵新的一年開始。二人對對方的賀年食物並不感到陌生，鄭容和指韓國亦有類似油角的賀年食品，以米通做成，寓意帶來幸運，霆鋒則表示聽過韓國人過年必食年糕湯，知道韓國人吃年糕湯寓意大一歲。
勁溝通唔到
二人首次合作，霆鋒直言拍攝前擔心溝通不來，但幸好整個過程順利，而容和則謂劇組十分照顧他。作為新片美食總監的霆鋒，透露是數年前開始喜歡下廚，戲中的菜式是否由他創作？他說：「大部分係自創，有啲基礎自己再變通，套電影嘅特別地方，係食物跟角色性格去調節，例如嗌交嗰陣就係啲炒嘅小菜。」他亦特別為容和設計八、九道菜式，如士多啤梨果凍、分子料理等等。
男神有願望
容和被問哪一場戲最為深刻？他說：「場場都深刻，有場我同霆鋒坐喺度飲酒傾偈，內心戲比較重！」霆鋒就笑謂當日容和飲啤酒飲到肚谷谷，而自己則沒有飲，因為一飲就面紅！談到新年願望，霆鋒希望事事順利，容和則希望新片票房成績理想。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
