一對年輕男女坐在下層關愛座，拒絕讓座。(彭澤軒fb)
公共交通工具設關愛座，原意是讓有需要的人士優先使用，但有網民昨晚乘坐巴士期間，發現一對年輕男女坐在關愛座上，雖有手持拐杖的伯伯想坐，二人仍拒絕讓坐，更聲言：「想有位坐，搭的士呀笨！大家都畀咁多錢，點解我要讓坐！」有男乘客見二人態度惡劣，忍不住拍片，雙方引發罵戰，男乘客稱二人死不認錯，「祝佢哋一炮紅遍香港！」
拍片的乘客稱，昨晚乘坐98A巴士時，一對年輕男女坐在下層關愛座，有婆婆見到有位手持拐仗的伯伯上車，於是叫二人讓座，豈料二人拒絕，更惡言相向，男乘客於是拍片。從片段可見，該對年輕男女態度輕佻，女的稱：「你身體係咪有殘缺？點解你唔坐又咁多事？」男的更滿口粗言穢語，「你影嚟做咩啫，要網絡公審？好x驚呀！你係咪個腦有問題！」
大批網民不恥二人言行，炮轟他們不尊重長者，況且讓坐是基本的事，「但居然有人可以大條道理話畀咗錢，又話老人家賣老！真係唔知係咪教育問題！」不過，亦有網民稱男乘客應在現場叫二人讓座，毋須拍片網絡公審。該對年輕男女其後亦在網上自辯，稱一開始看不到有長者想坐，其後被坐在後面的婆婆拍椅指罵，他們才反擊，接着就被拍片。
網民有話說
Lan Lan：無愛心，無家教的人，不能理解。
Rex Tsang：相由心生，我相信佢哋得到咗應有嘅懲罰。
Cheuk Ying Ying：呢兩個位，真係方便老人家而設架，唔好同老人家爭啦。
Daniel King：今時今日還有這些人，可惜！
Ming Chan：咁年青就咁廢，真冇教養。
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
來源 source: http://hk.on.cc
|
鍾意就快D Share啦！
|
|
|
