今日特首梁振英發表任內最後一份農曆新年賀辭，邀請去年曾在禮賓府舉辦籌款晚宴的十多名東華三院學生一起自用手機自拍、示範鎅水仙頭，又一起欣賞中國傳統剪紙藝術，都有寫毛筆嘅環節，但就見唔到特首親手寫。而劉德華早前在泰國拍廣告時不幸墮馬受傷，意外前兩天華仔替《蘋果》拍攝賀年專訪。當日華仔恭祝大家雞年萬事勝意，又寫「福」及「雞」字祝福香港市民，係真係親手㗎！熟識華仔的都知他崇尚傳統，過年依足中國習俗，除年廿八洗邋遢、年三十晚團年外，每逢大年初一都要跟雙親拜年和接財神。華仔說：「年初一差唔多夜晚，要開始接財神，接完財神，大約六點鐘就會去到爸爸媽媽斟茶，第一封利是一定畀爸爸媽媽，最大封都應該係！」一般打工仔而言，新年終於可以「收爐」，但對於熱愛工作的華仔來說，大時大節卻是每年最忙碌的時段。因此，他認為童年時過的新年最難忘，還自爆跟細叔伯打架的經過！華仔說：「因為嗰時一年只有一套新衫，套新衫年初一要着。我記得有次同啲細叔伯打交，就係年初一。我有件金色嘅棉立，好有型，當時大家喺度玩滴滴金（煙花），就畀佢哋燒，喺個背脊燒花咗少少，咁就年初一打交，跟住俾阿媽打！」農曆年假對華仔來說相當寶貴，盡可能都留給他的至親，因此近年已很少拜年，但偶而會有親朋戚友到訪，便有緣品嚐華仔自製的蘿蔔糕。問他假若要邀請一位圈中朋友過年，他會挑選誰，華仔笑說：「最唔得罪人就揀Deanie姐（葉德嫻）」大家以為華仔新年期間深居簡出，但原來他也會行花市的，且甚懂花市行情！他說：「其實我真係會行，我成日都會喺花園街出現， 我淨係知道太早買（花）就會好貴， 越近年三十就會越平！」訪問當日佢講及入行三十多年嘅起跌，今晚12時留意另一動新聞。
記者：鍾國仁、黃芷蔚
攝影：馮峰、Neo、吉吉、郭賢興、周樂恆
場地：好酒好蔡
Stylist: Olivia Tsang
服裝：Blanc de Chine and Hogan
化妝：阿麗
|
鍾意就快D Share啦！
|
|
|
