掃呢頁CODE去手機

2017年1月1日 星期日

【唔愁冇人追】陳寶珠登七自爆五大秘密 __,陳寶珠,

祝寶珠姐生日快樂!「影迷公主」陳寶珠今日70歲大壽喇!佢昨日特登飛去上海同正喺當地演出舞台劇嘅仔仔楊天經一起慶祝生辰,人生「登七」可喜可賀!在這大喜日子,寶珠日前特登同東網做咗個專訪,回顧過去人生路更自爆五個小秘密,其中一啲秘密竟然係關於「修哥」胡楓?究竟我哋嘅「寶珠姐」有乜嘢秘密?快啲去片𥄫一𥄫!秘密一胡楓同陳寶珠合作過不少電影,許多都是情侶檔上陣,但原來私底下陳寶珠叫胡楓做「叔叔」Uncle㗎 ...


祝寶珠姐生日快樂!

「影迷公主」陳寶珠今日70歲大壽喇!佢昨日特登飛去上海同正喺當地演出舞台劇嘅仔仔楊天經一起慶祝生辰,人生「登七」可喜可賀!在這大喜日子,寶珠日前特登同東網做咗個專訪,回顧過去人生路更自爆五個小秘密,其中一啲秘密竟然係關於「修哥」胡楓?究竟我哋嘅「寶珠姐」有乜嘢秘密?快啲去片𥄫一𥄫!

秘密一

胡楓同陳寶珠合作過不少電影,許多都是情侶檔上陣,但原來私底下陳寶珠叫胡楓做「叔叔」Uncle㗎!

寶珠解說:「因為我初初入行嘅時候,修哥喺飾演我爸爸嘅,所以我一路都叫佢做Uncle,所以後期拍戲飾演我男朋友,拍談情戲嘅時候,真係好困難,感覺好奇怪!不過,修哥好好,拍戲經驗好豐富,係謙謙君子,好易帶到我入戲。」

秘密二

又係關胡楓事喎!胡楓最近喺陳寶珠自傳《青春的一抹彩色》其中一冊訪談錄中,爆陳寶珠現在性格比以前開朗、開心好多,點解轉性?

寶珠解說:「修哥講得冇錯,可能一個人嘅人生經歷豐富咗,睇嘅嘢都會唔同,個人好似睇開咗、睇得遠大咗,再加上以前都係媽媽幫我去處理好多嘢,依家就係自己去面對同處理,見得多、講得多,個人都開心咗。」

秘密三

陳寶珠演藝路一帆風順,回首過去七十載,陳寶珠直言「有小小唔開心」嘅係佢經歷過一段不如意的婚姻。(陳寶珠1974年與圈外人楊占美結婚,婚姻維持八年便告終。)

寶珠表示:「如果問我人生有冇遇過乜嘢大嘅打擊,唔...都冇乜遇過,若果話係有少少唔開心嘅,會係當年婚姻出現問題,但都係一個過程嚟嘅!(當時因為性格不合離婚?)好多問題加埋。」

秘密四

陳寶珠活得快樂,無意找伴,亦冇人追,很享受「快活人」自由自在的樂趣。

寶珠解說:「記者朋友成日話我好多人追,但其實係錯晒,我冇人追,得啲Fans追。(男Fans追求?)冇,我得女fans,但我好開心,唔需要搵個伴,因為依家都好多人(指fans)陪住我,好享受依家嘅生活。」

秘密五

弱質纖纖的陳寶珠,原來喺蕭芳芳、薛家燕眼中係「真漢子」,因當年拍劇捱多晚通宵,都面不改容。陳寶珠則爆自己係「睡寶寶」。

寶珠解說:「當年可能後生,所以好捱得,捱好多晚通宵都可以,片場啲人都叫我做女鐵人,再加上我好瞓得,可以隨時隨地瞓,拍通宵戲嘅時候都可以攝一、兩個鐘頭瞓吓。不過,我都曾經試過攰到喺屋企沖沖吓涼瞓着咗,屋企人見我咁耐冇出嚟,入嚟洗手間搵我先至知我瞓咗喺浴缸度。」提到蕭芳芳,早年一張陳寶珠跟蕭芳芳的泳照出現,寶珠直言是當年拍攝《彩色青春》時拍攝,而當年她因為太忙,所以拍之前都無特別節食,但出來效果都相當Fit。

今日寶珠70歲生日,佢話唔會有大嘅慶祝活動,生日願望就係最緊要身體健康,她謂:「因為有健康就有一切,冇健康就乜都做唔到,所以,最緊要身體健康。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!