洗米嫂陳慧玲（Heidi）噚晚除夕夜，盛裝出席自己旗下公司倒數派對，原來佢同幾個朋友搞咗個網站，專賣時裝同名牌手袋，生意都做得唔錯。冇咗婚姻，洗米嫂都想開創自己事業，希望喺2017年，可以有更好嘅新生活。佢老公周焯華（洗米華）就冇陪佢出席，據知分身有術嘅洗米華，聖誕嗰幾日假期，就陪咗洗米嫂同兩個女，去咗馬爾代夫渡假，到新年呢幾日，就飛咗去倫敦陪女友Mandy Lieu過元旦，等放完元旦假期先會返澳門。其實洗米華同老婆如今已經覆水難收，雖然男方死都唔肯簽紙離婚，但因為洗米嫂好堅決，就算係單方面申請要等兩年，佢都寧願等，所以o依家佢兩公婆喺澳門已經處於分居階段。夫妻做唔成，不過洗米嫂無論o依家定將來，都唔會同洗米華關係搞得太差，一來要俾面老爺同大姑奶，二來係洗米華始終係兩個女嘅爸爸，點都要為兩個女著想。
來源 source: http://s.nextmedia.com
|
鍾意就快D Share啦！
|
|
|
