好閃呀！
藝人王浩信及陳自瑤夫妻檔出席倒數活動，擔任壓軸嘉賓的王浩信邊唱歌邊衝下台與粉絲玩自拍，場面墟冚！
心痛老公辛苦
談到今次拍拖搵外快，陳自瑤坦言：「由拍拖到依家第8個年頭，我哋都未試過一齊倒數，今次唔係擦大會鞋，聽到呢個消息我真係開心到嘩咗出嚟。」由於連月忙拍劇關係，王浩信直言有愧於家庭，亦錯過了不少女兒的成長點滴，希望來年能夠事業與家庭取得平衡。陳自瑤即表示：「見到佢咁樣工作，我當然心痛佢嘅辛苦，希望明年佢能夠大豐收，咁樣就有價值喇。」
王浩信不諱言起碼忙到農曆年後，故暫時未有時間再陪家人去旅行。談到上次旅途中陳自瑤泳裝上陣成功吸睛，她即開「空頭支票」謂：「雖然未知幾時，下次輪到我揸機，王浩信背部全裸！」王浩信笑答：「咁要畀時間我練股肌先得！」
追B隨緣
至於明年會否追多個小朋友？他們異口同聲表示隨緣，但陳自瑤笑言自己事業心重，希望再做出成績。同場的香港先生丁子朗上台獻唱時叫台下粉絲多多包涵，直指自己不諳音樂，想不到甫開口即走音到尾，自知失準的他全程露出尷尬表情！
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
