網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月13日 星期五

【獨家】素顏楊思琦管接管送 囡囡勁精靈拖媽咪笑晒口 __,精靈,思琦,楊思琦,

楊思琦o依家要獨力照顧4歲囡囡楊卓穎(Krystal),雖然搵錢係緊要,不過思琦妹都唔會忽略囡囡嘅成長,仲因為囡囡一句「唔好出去做嘢啦」而推job,可見思琦妹真係錫囡囡。日前(1月3日)素顏嘅楊思琦下晝大約12點幾,揸住架白色RangeRover,載住媽咪載同囡囡,去到清水灣孟公屋一間國際學校,送囡囡返學。思琦妹戴住一頂闊邊帽,身穿花花衛衣,黑色長褲,加對波鞋。送完囡囡返學之後,思琦妹同媽咪就走人 ...




其他影片:>>






楊思琦o依家要獨力照顧4歲囡囡楊卓穎(Krystal),雖然搵錢係緊要,不過思琦妹都唔會忽略囡囡嘅成長,仲因為囡囡一句「唔好出去做嘢啦」而推job,可見思琦妹真係錫囡囡。日前(1月3日)素顏嘅楊思琦下晝大約12點幾,揸住架白色Range Rover,載住媽咪載同囡囡,去到清水灣孟公屋一間國際學校,送囡囡返學。思琦妹戴住一頂闊邊帽,身穿花花衛衣,黑色長褲,加對波鞋。送完囡囡返學之後,思琦妹同媽咪就走人,去到將軍澳新都城中心。去到新都城中心,思琦妹就同媽咪食米線醫肚,兩人一路食一路傾,又下玩電話咁,食完都唔願走,坐咗喺到有成個半鐘咁滯,相信係等囡囡放學,要消磨吓時間。食完米線之後,兩人去到對面藥房,思琦媽就入去買啲成藥,而思琦妹就喺門口一路玩手一路等。之後兩人去銀行辦理啲手續,思琦依舊玩住手機等。搞掂之後就一齊落停車場攞車。去到下晝3點幾,囡囡都放學喇,思琦妹同就媽咪去接囡囡放學。睇嚟思琦妹同囡囡關係相當好,囡囡一放學見到媽咪就好開心,拖實媽咪,兩母女仲有傾有講,開心咁笑晒口。思琦妹仲好細心帶住囡囡落樓梯,囡囡keep住好開心咁慢慢行,一路行一路搖頭擺腦咁真係好可愛,最後就上車一齊走人,呢個畫面真係好溫馨呀!

採訪、攝影:羅德光、朱志聰 楊思琦同楊媽媽一齊送囡囡返學
仲一齊去食lunch 之後仲去藥房
一齊接卓穎放學
阿女好開心咁噃

來源 source: http://s.nextmedia.com
鍾意就快D Share啦!