《蘋果》去年獨家率先披露梁齊昕於去年十月七日已入住威爾斯醫院住院主樓暨創傷中心大樓6樓，留院兩個月。消息指梁入院之初情緒狀況一度令人擔心，其報告除精神科部門主管及其主診醫生外，旁人皆無權查閱，而梁振英及太太梁唐青儀不時往探望，一次梁唐青儀更激動得舉手機反拍傳媒。有關梁齊昕入院因由，梁振英一直三緘其口，至去年12月9日，梁振英突然宣佈不爭逐連任特首，理由是「我嘅家人因為我嘅選舉工程，會承受一些他們不能承受的壓力。在這問題上，我必須保護他們。」及至上月28號，梁齊昕終於更新facebook，話自己喺倫敦希斯洛機場(新聞連結：http://bit.ly/2jLPxL6)，但未知其真正行蹤。至今晚7點34分左右，齊昕同大家於Instagram玩「快閃」，先po出一張最新selfie相，留言：「New Year New Hair!」新髮型更巧妙地將頸遮住，貪靚的她更將下巴仔P到尖尖，有啲唔自然，未知是否因此，故梁齊昕貼圖不足5分鐘已刪圖。及後梁齊昕接受《蘋果》訪問，問佢會唔會返香港過農曆年，佢話：「返咗喇！」問佢點解貼咗相又即delete？佢就話：「haha!唔靚吖嘛！」新年新髮型？她解釋：「係呀，剪短咗少少！」去年12月，李慧琼在網台受訪時，曾指梁齊昕「病情好差」，又指「齊昕同佢媽媽唔啱亦都係事實，係人都知嘅」；梁唐青儀及後出席一公開活動時，直斥李慧琼不清楚事情：「我向佢（李）表達過齊昕嘅健康狀況係好好嘅，我從來冇同佢透露過齊昕嘅病情」，又批評李根據片面認知妄下武斷言論，並表示遺憾。
| 齊昕Instagram截圖 | | |
| |
|
鍾意就快D Share啦！
|
|
|