苟芸慧依家已經回復苗條，重拾女神稱號。
三年前因患上甲狀腺而令體重暴升的苟芸慧，由苟姑娘被嘲肥苟。近年積極面對疾病，現在已康復，身形亦回復昔日苗條，重拾女神地位。回想患病期間，經歷人生的高山低谷，被負能量籠罩着，曾經萌生退出娛樂圈的念頭。看盡冷眼，卻因而得着很多。
「睇嘢好灰」
她憶述說：「嗰陣係2013年，唔知點解體重不斷上升，初時以為係自己唔夠fit，到後來唔食嘢淨係做運動都依然肥，就知道出咗問題去睇醫生，原來係甲狀腺病，成因應該係壓力。病咗之後，我成日提醒自己同身邊人，一定要畀多啲正能量自己。(嗰陣有冇情緒問題？)有，睇嘢好灰，加上身邊好多唔好嘅說話，好唔開心！(工作？同郭富城緋聞？)每樣都有，好多諗唔明，覺得自己冇做錯，點解係咁畀人話？(有冇諗過輕生？)咁又冇，我驚痛，但有諗過想退出娛樂圈返加拿大，因為加拿大係我屋企，覺得返去就會舒服，但因為當時未完約，所以走唔到，亦唔想逃避。」
澄清高峰期絕冇170磅
康復後，苟姑娘更注重心靈健康，期間想通了，發現人生其實很簡單，只是那時候困在死胡同裏。她特別想澄清一點：「我嗰陣真係冇170磅咁重，雖然我唔確切知道自己體重，因為醫生話我日日望住個磅，其實都係壓力嘅一種，我問醫生我係咪有170磅？佢話唔係。（咁依家瘦番係咪最fit？）我到依家都冇磅，但我買衫就知道自己瘦咗，買細兩個碼。」去年11月跟TVB約滿7年約，她表示很享受現在自由的感覺，暫無意簽新公司，反而想去進修讀書，如珠寶設計及藝術等，做些自己興趣的事，亦希望能藉着自己的經歷去幫助別人。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
