鄭中基（左圖左）同埋爸爸鄭東漢一齊Jam歌。
歌手鄭中基在紅館舉行一連四場演唱會的頭場演出，來到第二部分，首先播出他童年至青年的相片，期間引得歡眾大笑。之後換上全白服裝的他上台唱《浪子心聲》，並由爸爸鄭東漢彈結他伴奏。唱完此曲後，Ronald叫觀眾給他父親鄭東漢掌聲，因為這首歌好有意義，是他第一首學結他的歌，他說：「係我第一首上枱歌，大家冇聽錯，唔係台係枱，因此我阿媽話我知，我3歲細個時，一定會上枱唱呢首歌畀大家聽，要大家聽晒先可以食飯，而許冠傑當年唱呢首歌，都係搵我阿爸彈結他，係我阿爸栽培我先可以喺呢到同大家唱歌。」跟住Ronald問佢阿爸有冇說話要講，他以為冇，點知鄭東漢拎起咪說:「喺澳門同Ronald做騷，佢賭我唔會講，點知佢輸咗，我講少少啦，因為唔可以厚此薄彼，多謝大家年卅晚都嚟支持Ronald，我以前玩音樂，依家就玩兩個孫。」
不慎整跌結他
當兩父子升上舞台準備繼續表演時，Ronald身邊有結他，但期間不慎整跌結他，他一臉驚慌，之後擰轉身對Joey Tang（鄧建明）說：「sorry Joey Tang，呢枝結他唔係我。」引得觀眾笑。同阿爸表演完後，鄭中基問：「有冇人我第一隻碟已經聽？知我第一隻碟係喺台灣出？我個陣留長髮係行偶像派路線，個啲F4、言承旭都係抄我，你地笑？即係年紀同我差唔多，係咪中女？我都係中基，未到巨基，仲有排玩，依家唱番幾首台灣嘅歌畀你哋。」之後唱出《你的眼睛背叛你的心》。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|