陳妍希喺IG分享老公陳曉抱著兒子「小星星」嘅溫馨畫面，陳曉就因為拍戲剃咗光頭，而啱啱滿月嘅小星星就有一頭濃密嘅頭髮，形成強烈對比。而今(28日)就有讀者向台灣《蘋果日報》爆料，陳曉竟然喺台灣嘅坐月中心病房內抽煙，煙味仲傳到隔籬房，讀者指雖然有去反映，但陳曉仲兩次喺病房內抽煙。報料指，當值人員有上前勸告陳曉，令陳妍希當天都好尷尬，唔好意思出聲，反而陳曉則反應大，用力開門走出去，成日都冇再返嚟。讀者指坐月中心口風好密，可能係其他病房被影響到，先忍唔住爆料。對於呢件事，陳妍希經理人回應謂：「已經道過歉了，之後也沒再發生，造成大家困擾，不好意思。」此外，陳妍希噚日貼咗張父子合照，BB啱啱滿月，頭髮超濃密。相中陳曉緊緊抱住小星星，低著凝視囝囝，畫面溫馨。
來源 source: http://s.nextmedia.com
|
鍾意就快D Share啦！
|
|
|