本地地產投資集團紀惠集團揸弗人廖湯慧靄（廖太），剛首度躋身福布斯富豪榜，隨即登上本港第26位富豪，女富豪中更排名第5，身家逾210億元。但廖太近年低調，甚少接受訪問，而紀惠的風頭躉，正是其胞弟湯文亮。既擔任紀惠代言人之餘，又多次評論樓市走勢，但他無意取代胞姊在紀惠的重要角色，繼續擔任副手。湯氏一家出生於澳門，做賣杉木生意，算得上小康之家。廖太於美國求學期間認識廖烈正，二人在1970年結婚，「嫁個有 ...
本地地產投資集團紀惠集團揸弗人廖湯慧靄（廖太），剛首度躋身福布斯富豪榜，隨即登上本港第26位富豪，女富豪中更排名第5，身家逾210億元。但廖太近年低調，甚少接受訪問，而紀惠的風頭躉，正是其胞弟湯文亮。既擔任紀惠代言人之餘，又多次評論樓市走勢，但他無意取代胞姊在紀惠的重要角色，繼續擔任副手。湯氏一家出生於澳門，做賣杉木生意，算得上小康之家。廖太於美國求學期間認識廖烈正，二人在1970年結婚，「嫁個有錢人」，成為廖創興銀行的八少奶。廖太之後曾加入廖創興銀行，但在1976年辭去經理一職，創辦紀惠前身的成立偉邦投資公司，本金500萬元，主要是做財務公司。湯文亮憶述，當年公司只有廖太同兩個夥計，自己當年25、6歲，在加拿大讀完書，畢業後獲一間小公司聘請做會計。廖太着湯文亮回港幫手，「自己白紙一張，冇經驗」，考慮一輪後就決定回港幫家姐，其實都未認真打過一份工。由於當年銀行可借九成半按揭，財務公司根本無生意，「做咗一段時間都冇起色，要被逼轉型」。由於偉邦持有財務公司牌照，可以財仔名義向銀行借入同業拆息（Hibor），用來買賣住宅物業。「當年Hibor加0.6，成本只係3厘左右，但同銀行借錢要12、13厘，拎去買樓收租都有息差賺」。1986年，紀惠以近1,300萬元買入赤柱舂磡角道Vista Horizon開始，踏上收租公司之路。多年以來，廖太都是紀惠的話事人，湯文亮專心為家姐打江山，只是負責「傾刁」及為買賣簽名。「公司由財仔轉做收租公司，由廖太決定；買邊啲物業，由廖太拍板。只係所有買賣合約由我簽，但差唔多每件物業都有落我名」。就如當年紀惠轉型北上做發展商，所有應酬、與當地政府交涉，都由湯文亮去做，因「家姐唔鍾意做呢啲」。跟隨胞姊多年，湯文亮安於現狀，「屋企四兄弟姊妹，廖太雖然排第二，但一直都係做話事角色，公司就家姐主內我主外」，無意改變位置或自立門戶。「家姐眼光好好，冇邊一件物業會買錯，信佢最好」。所以，現時湯文亮一般都只會負責在目前持有的物業，去篩選個別次一級的物業讓胞姊決定賣不賣走。湯文亮亦指出，現時在地產界的人脈、在紀惠的角色，一切都是廖太帶挈，「唔係姊弟關係，係做唔到」。廖太身家以所以能幾何級增長，主因1998年至2001年期間狂掃車位勁賺，然後2003年轉戰商廈及舖位市場。記者：程俊華掌握財經生活資訊，即Like「蘋果ATM」fb專頁
http://fb.com/appledailyatm
