2017年2月12日 星期日

索BB味自認變態 敏之升Cup老公嗌好怪 __,敏之,陳敏之,

靚媽陳敏之條索腿返嚟喇,佢仲笑言升Cup後老公話唔認得呀!靚媽陳敏之於荃灣出席眼鏡店活動,產後首次出席商演的她,幾乎已完全收身,變回「索腿天后」!囝囝已個多月大,她表示餵奶與換片亦開始上手,不過自己仍是個新手媽媽。被問產後復出的酬勞是否更高?她謂沒有問過經理人價錢,至於會否為囝囝搞百日宴?她謂:「都會,好多人想見吓bb。(籌備緊?)睇緊場地同啲布置,不過湊佢都忙。」囝囝狂「斟茶」至於做新手媽媽可有 ...


靚媽陳敏之條索腿返嚟喇,佢仲笑言升Cup後老公話唔認得呀!

靚媽陳敏之於荃灣出席眼鏡店活動,產後首次出席商演的她,幾乎已完全收身,變回「索腿天后」!囝囝已個多月大,她表示餵奶與換片亦開始上手,不過自己仍是個新手媽媽。被問產後復出的酬勞是否更高?她謂沒有問過經理人價錢,至於會否為囝囝搞百日宴?她謂:「都會,好多人想見吓bb。(籌備緊?)睇緊場地同啲布置,不過湊佢都忙。」

囝囝狂「斟茶」

至於做新手媽媽可有蝦碌事發生?她笑謂BB曾四、五次「斟茶」給她,她說:「都有防範㗎喇,即刻用棉花遮住,都試過用手擋,好得意呀!」又笑指囝囝會蝦媽媽,較聽爸爸話,笑謂有一次由老公負責換片,囝囝就突然瀨尿,老公就立即推她去擋!她又謂囝囝相當扭抱,要抱住才肯瞓,並謂他目前已十多磅,有時都會抱到手累!

身材大變老公認唔出

見她收身成績不俗,她謂每日湊仔與餵奶都令她瘦下來,目前身形與懷孕前差不多,她說:「日日通頂,辛苦過拍劇,冇減過都瘦。(升Cup?)有,因為餵人奶,好enjoy。」又笑指老公認不出她:「佢話好怪,因為咁多年都冇咩身材!依家有啲肉地!」

帶囝囝紗巾開工

她又謂自己變態:「鍾意索啲BB味,聞佢個頭、塊面、pat pat,依家食人奶啲便便唔臭㗎!諗住出街都帶埋佢啲衫去聞,頂吓癮!」月中就要投入拍新劇《溏心風暴3》的她,笑謂會帶埋囝囝紗巾開工,以一索解千愁。

怕變怪獸家長

談到劇集《親親我好媽》受歡迎,她謂自己收看亦十分大感觸,亦會擔心自己將來會變成劇中的「怪獸家長」江美儀及呂慧儀一樣,但認為父母會擔心仔女是正常。至於劇中將播出師生戀等情節,她說:「係寫實,我細個嗰陣都試過鍾意體育老師,啲同學會傾,其實都係反映現實。」

 


來源 source: http://hk.on.cc
鍾意就快D Share啦!